Shillong, 25 Nailur:
Ar kynhun ki shipai BSF, kiba dei ban leit sha Ranikor jong ka South West Khasi Hills, ki don mynta ban iarap lem ia ki pulit, na ka daw jong ka jing ia kynad hapdeng ki paidbah bad ki pulit ha Jaintia Hills. Ka kyrwoh na ki BSF, ka iathuh ba ka jinglong ka suk ka sain, ka la thut jur, hadien ka jingshah thang jong ka kali jong U ASP jong ka East Jaintia Hills bad ha kaba la pynjot ruh ia ka kali jong U Addl. Dist Magistrate Khliehriat bad sa ka jingshah kawang maw jong ki kali kiba iaid ha ka NH 44, ha ki khyndiat sngi ba ladep.
Ki shipai BSF, katba ki dang iaid na Jowai sha Khliehriat, ki shem shitom shibun ban iaid shakhmat, namar ba ki paidbah, ki la khang lynti, na ka jingiap jong ki arngut ki briew bad ki shipai kiba dei ban leit ban pahara sha Khliehriat, kim shym la lah satia ban iaid shakhmat, namar ba ka don ka jing pakhang surok hajan ka shnong Wapung bad kumta ki la dei ban wan phai biang sha Jowai. Hadien ba ki la sah shimet ha Jowai, ki BSF, ki leit sha Khliehriat, ha ka 25tarik Nailur, na ka bynta ban iarap, ha kaba teh lakam ia ka suk ka sain.
Phi don ban ong eiei?