Ngi hap pyrkhat, ia ka jingiateh lok jongngi bad kane ka seng rong sawbthuh, ong u heh NPP

Imphal: U Yumnam Joykumar Singh, symbud myntri rangbah barim jong ka Manipur bad uba dei ruh U Director General of Police (DGP), ba la shongthait jong katei hi ka jylla, u iathuh ha ka India Today, hynnin ka sngi, ba ka seng National People’s Party (NPP), kan hap ban pyrkhat biang ia ka jingiadei jongka bad ka seng BJP, ha ki khyndiat sngi ban sa wan, lada ka suk ka sain, kam wan phai noh, ha ka jylla.

“Ka NPP, kan hap ban pyrkhat, ia ka jing iatehlok jongka bad kane ka seng rong sawbthuh. Ngin nym lah ban shu long, ki nongpeitkai” ong U National Vice President jong ka seng NPP.

“Ka don ka article 355, kumta ka dei ka kamram jong ka sorkar jylla bad ka sorkar India, ban ai ia ka jingshngain ia ki nongshong shnong. Hynrei, ka buit treikam kaba biang kam don satia” ula ong shuh shuh bad u ong ruh ba ka jinglong ka suk ka sain, ka nangsniew nang sniew. “Ngam iohi, ia ka jingsuk, ba kan wan ha ka jylla, hynrei, kumba kan nang sniew, namar, ba wat ka iing jong myntri ka sorkar India, U RK Ranjan ruh ka la shah thang” ong shuh U Singh.