“Ngi donkam ia ka Ribaibal ha ka saiñpyrthei”

Mairang, 18 Naitung:
U Chief Executive Member ka KHADC u bah Pynshngaiñ N Syiem uba la long u kongsan ha ka jingialang rakhe lyng khuh sngi iap ba 181 snem u Tirot Sing ha Mairang u la ong ba u Tirot Sing syiem u de iu Syiem uba ieng ha ka nongrim bad um shym la pyndem ha ka sorkar phareng na ka bynta ka lawei jong ka ri bad ka jaitbynriew, u bah Pynshngaiñ u la ong ba dei na kata ka daw ba ka ri bad ka jaitbynriew ka donkam ban sei bun ki Tirot Sing “Hynrei kaba sngewsih ka long ba ha ka jingshisha ka la dei ka kabu ksiar ia ki Tirot Sing jong ngi ban shna ia ki aiñ kiba skhem ha kaba ia dei bad ka khyndew ka shyiap,ka riti dustur, ka pule dangle,ki lum ki wah,ka ioh ka kot hynrei haduh mynta ngim don polisi ban iada ialade, ngi shu sah ha ka umdum namarba ki khlem pyndonkam hok ia ka shuki jong ki na ka bynta ka lawei jong ka ri bad ka jaitbynriew” ong u bah Pynshngaiñ.
U bah Pynshngaiñ u la ban biang da kaba ong “U Tirot Sing um shym la pyndem, bad ka donkam ia ngi ban ym pyndem da lei lei ruh na bynta ka lawei ka ri bad ka jaitbynriew, kam pher la ngi dei mano manor uh,kam pher la ngi dei ki MDC,ki MLA, ki minister, ki Chief Ministerkaba kut ka long ba ngi dei ban pyndonkam ia ka shuki jong ngi kum u KHNAM,ka ryntih bad ka stieh ban ym ailad ia ki bor ba nabar ban pynsniew ia ka ri Khasi baieit jong ngi” u la ong.
U CEM u la khot ruh ia baroh ban klet noh ia ki jingmyntoi malade shimet hynrei ban phai khmat sha ka jingmyntoi jong ka ri bad ka jaitbynriew da kaba len lade ia ka jingieit spah ne ban kmen toh hoh na ka jingmyntoi malade. “ka por ka khot ia ngi ba donkam ia ka jingkylla na ka malade sha ka lashai jong ka jaitbynriew, hynrei I kumba la klet ia ka lashai ka jaitbynriew na bynta ka malade shimet” u la ong biang.
Ula pynkynmaw biang da kaba ong ba kine ki sngi ki dei sngi ba ka jaitbynriew ka ia kynduh jingeh naduh ki rangbah shnong bad ki trai muluk, “Ki trai muluk mynta lei kim lah ban ktah ia ka khyndew jong ki ruh,bad kane ka dei namarba ngim don ia ka aiñ kiba shai, sngewsih ba ki briew jong ngi kim sngewthuh haba wan ki Bill na District Council ki shu sahkut tang ha DCA bad Law Department I kumba ka dei ka aiñ nongwei, na kata ka daw kylla kaba mut bad ka jingrakhe Tirot Sing kan long kaba kham kit jingmut lada ngin kylla kaba mut, ngi donkam ia ka Ribaibal ha ka Saiñ pyrthei” pynkut u bah Pynshngaiñ.