Ngi donkam ban pynioh laisen suloi, ia ki 100ngut, ong u heh ka Gau Rakshak Dal

New Delhi: Hadien ka jing iakynad ha Nuh, ha ka 31tarik Naitung 2023, kaba ha Haryana, la iathuh, ba kan don ka jingiaid paidbah sa ha Palwal, kaba la da ai jingbit, da ki bor pulit bad katei ka jingialang, ka dei ban pynkhreh ia ka jingiaid paidbah jong u Brij Mandal Jalabhishek, nongialam ka Vishwa Hindu Parishad, kaba la sangeh noh, na ka jingiakynad ha ka 31tarik Naitung 2023.

U Acharya Azad Shashtri, uwei na ki nongialam jong ka kynhun ba sumar masi lane ka Haryana Gau Rakshak Dal, ha ka khubor jongu, ula ong, ba ka la dei ka por, ban leh tyngeh noh, lane ba la dei ban iap noh syndon lane “do or die situation” bad ba u khot ia ki samla, ba kin sdang noh ban rah suloi. “Ngi dei ban pynioh laisen suloi noh ia ki 100ngut ki samla ha Mewat bad kam dei ruh ka suloi, hynrei, dei da ka rifle, namar ba ka rifle, ka lah ban siat kham jngai ruh. Ka dei ka por, ban lehnoh lane ban iap duh syndon. Kane ka ri, ka don ha ka jing iapait, halor ka nongrim jong ki hindu bad ki Muslim bad ka dei namar U Gandhi, ba kine ki Muslim, ki wan poi sha Mewat.” Ym tang katta, ula ong ruh ia ki samla, ba kim dei satia ban tieng ia ki ejahar “Ngim dei ban tieng ia ki ejahar. Don bun ki ejahar, pyrshah ia nga ruh, tangba ngim dei satia ban tieng”.

Katei ka jingialang bah, lane ka mahapanchayat, kaba la pynbeit, da ka Sarv Hindu Samaj, kan long ha ka shnong Pondri, ha Palwal district, kaba iasyndah bad ka Nuh bad kaba dei ruh ka shnong, kaba ki don bun bha ki Muslim.