NGI DON U RIEW SAID

AIS SUJA

Ka ktien U Blei ka ong “Ba ngi don u Riew Said ne u Pleader uban ia said ia ngi ha khmat u Blei u kpa ba ha bneng. “Te lada uno uno ruh u leh pop, ngi don u Riewsaid bad u kpa, u Jisu Khrist uba hok. Ioanis 2:1.
Mynba U Blei um pat phah ia une u Riewsaid sha kane ka pyrthei , ka Pyrthei ka long ka badum latap ia ka da ka jingdum la tap ia ki briew daka jingdum tliew tliew ha ka jingiadei bad u Blei ne bad u Mynsiem jong u Blei. U briew u dang sah haka dum ka lyngngoh, bad ha ka pop namar ymdon u Nongpyllait bad u Nongiasaid.

Hynrei ai nguh ia u Blei u kpa uba ha bneng ba ha ka ia kaba biang u la phah noh ia la u khun uba long u nong pynim, u nongpyllait, u Nongsiewspah bad ruh u Nongiasaid. Haba la jia ka ia kaba biang, u Blei u la phah ia la u khun (Jisu) ia uba la kha na ka briew, ia u ba la kha hapoh ka Hukum. Galatia 4:4-5. Kamut mynba ka dangtrei kam ki hukum u Moses. U Blei u ladep thmu na bymjukut ba kata ka Hukum kan kut noh tad ynda u Jisu un wan sha ka pyrthei haka doh. La ai ia ka hukum dei namar ki jingpalat jong u Briew, haduh ba un dawan uta u symbai (Jisu). Galatia 3:19. Kumta ka hukum ka long ka Nonghikai jong ngi ban ialam iangi sha u Khrist khnang ba ynpynksan iangi da ka jingngeit (Kaba ha u Jisu). Galatia 3:24. Kumta haba U Jisu u la wan sha kane ka pyrthei, la kha ia u hapoh ka hukum (Mynba dang trei kam ki ain u Moses) bad u im ruh hapoh kata ka hukum. Galatia 4:4.
Ngi kynmaw ia kawei na ki kam ba u Jisu u la leh mynba ka dang trei kam kata ka hukum u Moses ka long ba u Jisu u la map ia kawei ka briew kaba klim. Ki Nongthoh bad ki pharisi ki la kem bad ki la wallam ia kata ka briew sha u Jisu ki da ong – ko Nonghikai, la lap ia kane ka briew ba ka klim. Ki ong – U Moses u la hukum ia ngi da ka hukum ban lynthem, maw ia kiba kum kita; te me ong kumno Jisu? Dakaba ki tynjuh ia u Jisu khnang ba kin ioh mudui kylla ia u.
Kumno u Jisu u la leh? U la dem ha khyndew bad thoh da la ki shynriahti; haba u la ieng, u la ong haki – “Uta u ba khlem pop hapdeng jong phi to un lynthem nyngkong ia u maw ha ka. U la dem bad thoh biang ha khyndew. Kita ki Nongthoh bad ki Pharisi ki la sngew kynduh ki la mih noh (phet) uwei hadien uwei te la ieh noh marwei ia u Jisu bad ia kata ka briew kaba dang ieng hapdeng. Haba u Jisu u la ieng pat, um iohi shuh iano iano ruh hynrei tang kata ka briew kaba klim.

Kumno u Jisu u la ong ia kata ka briew? U ong – ko briew hangno kito ki nong mudui jong pha where are your accusers? Ymdon ba la pynrem ia pha? Ka la ong – ymdon Ah Trai. U Jisu u la ong pat ia ka – NGA RUH NGAM PYNREM IA PHA: TO KHIE LEIT NOH BAD TO WAT LEH POP SHUH. Ioanis 8:1-11.
Tang shi kyntien ba u Jisu u la kren ha kita ki Nongthoh bad ki Pharisi ki nongmudui (accusers) kiba la pynrem ia kata ka riew kynthei baklim, ka la lait im nakaba shah lynthem maw ha ban da iap.

Ngi iohi shisha ba u Jisu u Nongiasaid ne u Pleader uba ia said ymtang ia kato ka kynthei hynrei u ia said naka bynta ia baroh ha khmat u Blei u kpa uba ha bneng ban pyllait ia u briew naka pop na ki ksuid bad u soitan.
Nakata ka daw U Jisu u ong ha u kpa uba ha bneng – Ha khmih nga la wan ia kaban leh ia ka mon jongme. U PYNDAM NOH IA KATA KABA NYNGKONG (Ka hukum) KHNANG BAN PYNNEH IA KATA KABA AR. Hebru 10:9-10.
U Jisu u hap ban iasaid ha khmat u kpa kat haduh ba u hap ban shah halor diengphna. U Blei u la map noh ia ki pop jong phi baroh haba ula lah pyndam noh ia ka ain ba la thoh lem bad ki kyndon jongka (having Cancelled the Written code, with its Regulations). Ki ain kiba long pyrshah ia ngi kiba ieng pyrshah iangi (that was against us and stood opposed to us). U la shim iaka (He took it away) bad sahprek ia ka ha Diengphna (Nailing it to the Cross). La sloit noh ia ki Bor bad kiba donbor (having disarmed powers and Authorities). U la pynpaw paidbah iaki (He made a public spectacles of them) bad leh risa halor jong ki DA KA DIENGPHNA (Triumphing over them by the Cross). Kolossai 2:13-15.

U Jisu u la map iaka kynthei kaba klim da kaba iasaid ha u kpa. Kumjuh ruh u map ia kito baroh kiba wan sha u da ka jingngeit lyngba ka Diengphna.
Ngi don u Riewsaid (Pleader) u ba iasaid naka bynta jong ngi ha khmat u Blei u kpa uba ha bneng, lyngba da ka snam jong u halor Diengphna. Ioanis 2:1/ Kolossai 2:13-15. Amen.