Lada phi la don ha ka rta kaba 30 plus bad phim pat ioh kam sorkar kumba baroh baroh ngi ia beh sha kata ka kam,ngi la don mynta ha ka kutlad bad la kham jynjar ban poi sha kata ka thong bad bun ruh ngin hap ban trei bylla ne leh kino kino ki kam lajong tang ban im namar ka jingkyrmen ban ioh kam sorkar ka la poi ha ka kut lad bad shibun ki jingeh. Hynrei kam leilei haba ngi trei kino kino ki kam lada ngi trei da ka hok bad ka jingshisha. Kumjuh ruh lada phi dang shu dep ia ki jingpule jong phi ha ki line ba pher ba pher bad phi mad ia ki juh ki jingeh kumba mad kito kiba la 30 plus, phin don ha ka jinglyngah mynsiem bad pisa. Hynrei hato ngi la ju pyrkhat ia ka lawei ki khun ki kti, ki para kiba dang rit ki jong ngi??
Ngi mynta ngi la mad ia kine ki jingeh ban iohkam iohjam ne ban sengkam sengjam namar ngim don ki riewpyrkhat ia ka lawei jong ngi. Ngi don bun tang ki businessman kiba synshar ia ngi bad kiba pyrkhat tang ialade. Lada ngi la mad katne ki jingeh shano ka lawei ki khun ki kti jong ngi. Hato!! mo ngi kwah ba ma ki ruh kin mad bun bun shah ki jingkordit bad ki jingjynjar ban ia ngi?? Hato ngin long ka jingtim na ka bynta ka jong ki.!! Pyrkhat bha mynta iano ngin vote. Ngi don ki party kiba pynlut da ki phew klur tang ban khring ne advertise, ngi don ruh ki party kiba pyrta jingkylla tang por election bad kiwei kiwei. Ka shong ha ngi mynta ban wanrah ka jingkylla bad ka jingshngain ka lawei bad ka pateng ki khun ki kti. Klet noh ka jingsngewieit party, ne ka jingsngew nguh ba u la iarap ai blanket ne ai tin ing ne ai pisa ne iarap sponsor kano kano ka program (namar ka dei ka pisa jong ngi hi u ai) ne u dei u bahaing, Lada ym don ka nongrim kaba skhem bad ka rukom treikam kaba shai. Jied ia uba ngi lah ban phah iasaid ia thir ia ka khia ka shon ka jong ngi, bad u ba lah ruh ban sam mar katjuh ki jingiarap sha ki briew khlem da sngew party ne briew lajong. Ka jingnang ban jied ka jong ngi kan wanrah ka jingpynbha bad ka jingkylla.
Khatduh kum u briew ngi donkam ruh ban pan ka jingshai na u Blei ia uba kumno ngin jied khnang ban shngain ka ri bad ka jaitbynriew Bad ka lawei ki khun ki kti ki jong ngi.
Khublei.
B. Syiem
Kadei kata kaba phi pyni hangne bad kane kan dei ka por kaba kut jong ka jingpyrshang ban wan rah ia ka lawei jong ka jingkyrmen.
Ym dei eh tang ki nongthawain kiba dei ban wanrah ki lad AI Kam AI jam. Ki Seng treimon sngewbha ruh ki dei ban ailad pat ban wan ki company ba heh ban plie lad AI Kam AI jam Lem. Namar haba ngi peit ki don ki company kiba la wan Shane sha riJong ngi Hynrei ki bun eh ki jyrwit jyrwat na ki Seng. Kane ruh Ka khang lad bha ia ki samla wad kam.