NGI DON KA HOK BAN JIED

Ia uno uno ne kano kano ka briew ha ka pyrthei la kha ryngkat bad ka jinglaitluid. Ha kine ki sngi ba mynta ka la don ka jingklumar jingmut bad jingartatien jong ki ba bun ki paidbah ha kaba iadei bad ka jingai tika covid-19 ne covid vaccine. La don ruh ki jingpyntieng na ki katto katne ba lada kim ai ia ki tika kin sa duh lut ia ki jingmyntoi baroh. Ha kum kane ka por ki la don ruh shibun ki khubor hamsaia kiba la saphriang shaphang jong une u tika, don kiba lait bad lehse don ruh kiba dei.

Ha kaba iadei bad kane ka jingai tika covid-19, nga sngew ban ong ba ka sorkar ne kino kino ki kynhun ne ‘riew shimet kim donhok ban pynbor iano iano ban ai ia une u tika, hynrei ngin ieh beit ha ka rai shimet shimet jong uno uno ne kano kano ka briew ban shim ia ka tika. Nga da ban jur khamtam ia ka sorkar ioh lehse kan pynmih hadien habud ia ka hukum ba baroh ki nongshong shnong kin hap ban shim ia une u tika bad lada kim shim kin ngat ha ka jingpynsajia ne kin duh noh ia baroh ki jingmyntoi ba kidei ban ioh. Lada ka sorkar ka pynbor ia ki paidbah ban shim ia une u tika, kamut ma ka, ka la pynkheiñ ia ka hok longbriew manbriew namar baroh ki briew ki don la ka hok ban jied bad rai ia la ka jong ka jingim.

Carmel Fedrick Malngiang,

Address:- Wahkaliar, Sohra
Phone Number:- 6009594917