Ngat ki runar khaii drok na Manipur, ha shrip ki pulit

Shillong, 16 Nailar:
Lai ngut ki runar khaii drok ki la ngat ha shrip jong ki pulit ka nong bah, lyngba ka jingpynap ia ki hadien ba la ioh jingtip kaba biang.
Ka Anti Narcotics Task Force (ANTF) Shil long ha ka 14 tarik Nailar hadien ba la ioh jingtip ia ka jingdon jong ki nong khaii drok ha ka nongbah ki la pynlong ia ka jing pynap shrip ha iew Laitumkhrah ha kaba la ioh ban kem ia uwei u briew u Kaster Jassa ba 29 snem na jaka ieng bus Laitumkrhah uba dei nongthied drok.
Halor ka jingphla jongu, ki pulit ki la ioh kem sa ia u nongdie u Inderjit Singh uba 40 snem na Lamsang Imphal West Manipur.  Ha ka por  7.30 pm,  ka kynhun AN TF ka la  pynlong ia ka jingkhynra bad ioh kurup na Lumawrie  ia ki drok ba sahwai u Indrajit Singh .
Ha ka por ba ki pulit ki rung ha ka   iing jongu, uwei u briew ba la tip kum u  Shymashon Sharma ba 36 snem na Hojai, Rajbari Nagaon la ioh kem syndon ia u ruh katba u dang dih drok da kaba tan da u paip.
La ioh kurup ruh ia u drok heroin na u nongthied u Kaster Jasa bad bun u drok la ioh kurup na iing utei uba la song bha bad shong dor haduhT. 2.90 lak bad ba khia kumba 29 gram. Bun bah ki jingsong jingthep drok bad kynja la ioh kurup na kane ka ing ba thmu ban shalan sha kiwei kiwei. Ki tiar ba ioh kurup ki long u kynja paip ban ring ne tan ia u kynja, 15 tylli ka jingkynthah ding,7 tylli ki mobile phone.La ioh kurup ruh ia ki song kynja na almari ba la song bha na kawei ka kamra bad ka shithi jong ka seng National Revolutionary Front of Manipur(NRFM)  kaba dei ka seng lehnoh ha Manipur  kaba la thoh da u Secretary Finance ka NRFM.
Ki pulit ki la ong ba kane ka pyni ba kine ki briew ki don ka jingiadei bad ki lehnoh ka jylla Manipur. Ki la phla ba ki dei ki dkhot ba la mih na ka Peoples Liberation Army(PLA), ka lehnoh ha Manipur.
Katkum ka jingtohkit jong ki pulit, ia une u kynja u drok la wanrah na jylla Manipur kaba la wanrah na thain Myanmar.Ki pulit ki la rejistar mukotduma halor kane ka kam katkum ka Laitumkhrah P.S C/No149(08)15 u/s 21(b) NDPS Act. Ia kine lai ngut la phah sha ka kashari jong u Judicial Magistrate 1st Class. Ka jingbishar kan long ha ka 17 tarik Nailar, 2015.