U khun jong ka syiem Elizabeth II jong ka United Kingdom u Prince Charles kat kum ka kyrwoh u la ngat ia ka jing pang ‘Corona Virus’ ha ka 24 tarik lber 2020.
Katkum ka kyrwoh la iathuh ba u khun syiem jong ka Wales, u Charles u la kem shitom ha ka 23 tarik lber bad haidien ba la wan phah eksamin ha ka 25 tarik lber la lap ba u don ki dak ki shin jong ka jingpang ‘Corona Virus’ hynrei ka met ka phad jong u ka long ka ba khlain. Kat kum ka kyrwoh na ka ‘Clarence House’ la iathuh ba ki nong sumar jong u Charles kim pat lah ban batai naei ka jing pang ka wan pur sha u Charles namar ka jing bun ki prokram ia kynduh briew jong u hapoh ka Buckingham Palace.
Haba dei bad ka syiem Elizabeth II, ka kyrwoh ka la iathuh ba ka syiem ka don ha met ka ba koit ba khiah, tangba ki nong sumar kin hap ban bud ia ki kyndon ba la btah da ki nong sumar jong ka hadien ba la ioh jing pang ‘Corona Virus’ u Charles.
Ka jing pang ‘Corona Virus’ lane ka COVID-19 kadei ka jing pang ka ba la khie sdang na ka ri China ha u bnai nohprah 2019 ka ba la shim da ki hajar ngut ki jing im briew bad da ki phew hajar ngut ki la ngat ia kane ka jing pang ha kylleng sawdong ka pyrthei.
Phi don ban ong eiei?