Shillong 18 Rymphang: Hadien ba la mih ki dur khih ba la saphriang bha ha ki rynsan social media myn ha kine ki taiew ba la dep, ha kaba u bah Adelbert Nongrum u ba dei u MLA na North Shillong Konstitwensi na ka seng VPP, u la mih pyrthei ban pynpaw ia ka jingbym sngewiahap halor ka jingai tiket ka party Voice of The People Party (VPP) ia ki kyrtong na Mawkhar bad na Jaiaw, namar u kyrtong ba pan tiket na Mawkhar u mih sha Jaiaw bad u ba pan na Jaiaw u mih sha Mawkhar.
Ha kane ka durkhih (Video) ka ba la saphriang myn ha kine ki taiew ha ki rynsan social media u bah Adelbert Nongrum u la pynpaw ba um kwah ban sngap ia kaei ka ba u um sngewiahap ia kaei ka ba la jia hapoh ka party.
Kumba ma u, u la pyrshah ia ka jingrai ka Party VPP halor ka jingai tiket ban iakhun ia ka ilekshon MDC na Mawkhar Pynthorumkhrah bad na Jaiaw, ba u ba na jaiaw u mih kyrteng sha Mawkhar katba u ba na Mawkhar u mih kyrteng pat sha jaiaw. Kumta u la pynpaw, ba haba u la pyrshah shapoh un hap ban pyrshah ruh shabar.
“Ym tang katta u bah Adelbert u ka kren ruh da ka jingbitar, da kaba u ong, ba nga dangmut ba kadei ka Voice of The People Party (VPP) hynrei kadei ka Voice of Someone”.
Kumta halor kane ka jingmih pyrthei u bah Adelbert Nongrum ban pynpaw ia ka jingpyrshah ia ka party VPP ba la ialam khmat da u bah Ardent, ki paidbah ba kyrshan radbah ia ka VPP ki la kynthoh jur ia u bah Adelbert da kaba ong, ba balei bah Adelbert phi mih mynta shitaiew shwa ka ilekshon MDC, ban pynmih video ia ka jingbym hun ia ka jingai tiket ka VPP, na ka liang u bah Adelbert u la ong, ba ia kane u la dep ban kren bad pynpaw naduh mynshem snem ym tang mynta ka taiew ba la jan ka ilekshon.
U ong, ba ha ka jingiakren u la pyntip ba un tuklar beit ia Kane ka kam ban ioh ia ka jingjop, mad dei u ba trei mesteri ne u no uno ruh hynrei ka party VPP kam shem la kren eiei halor katei ka mad ai tiket.
Ha ka dur khih ka ba long mynta ka sngi palei ka 18 tarik Rymphang 2025, U bah Adelbert u la ong, ba nga kwah bad jiet ia ka party ka ba um kwah shuh ban mih, hynrei khlem pep ha iing ha sem la ka shongkha shong man ne ka sain pyrthei saiñ hima kadon beit ka kynrum kynram hynrei ban kynnoh ba ka jingmih u bah Adelbert mynta u thmu ban pynpait pynpra ia ka party VPP kan ym mih kum kata ka jingkylli, namar la seng ia ka VPP ha ka nongrim, ba kiwei ki political party ki la failed ha baroh ki liang khamtam eh ka Jylla ka ba la hiar arsut ha kine ki sngi.
U la pynpaw ruh ia ka Jingsngew kmen namar ki paidbah ki la ioh ka jinghikai kumno ban ieit ia ka seng VPP ka badei u Prah. Nalor kata u ong, ba Ha ba nga iohi ia ka jingieit ka jongki nga sngewtynnad, sngewkmen, bad sngewioh nong namar dei mangi ki ba la hikai ia ki paidbah ban ieit ia ka VPP, kumta watla u iohi ia shibun bah ki jinkynthoh, ki jingkynnoh, ki jingkdewkti ia u, hynrei ngam sngew eiei bad ka dangai mynsiem ba kumno ban ialeh ban dangtei ban ialeh ban pynpoi sha kathong, u la bynrap.
U bah Adelbert u la ong ruh, ba ban ong, ba u thmu ban mih noh na ka party kata kan nym don jingmut, hynrei ka shong pat ha ka party.
Shuh u la ong, ba ha kaba iadei bad ka jingong u nongaiktien ka VPP u Dr.Batskhem Myrboh, ba ki 6 ngut ha ka jingialam u bah Adelbert ki dawa phah panmap ia ka party,hynrei u bah Adelbert u la ong “Em” ngim shem la ong ia ka party VPP ban panmap ia ki bad na ka liang u bah Batskhem u la bakla ban kynnoh ba u bah Adelbert bad ki 5ngut ki dawa phah panmap.
Phi don ban ong eiei?