Shillong:U MDC barim ka KHADC na Mawkhar-Pynthorumkhrah konstitwensi, u bah James Ban Basaiawmoit ula ong ba ula rai ban iasoh sha ka seng United Democratic Party (UDP), hadien ba ki nongialam kila leit rung noh sha ka NPP.
Ka seng People Democratic Front (PDF), kaba don 2 ngut ki MLA ka la khylliap lama noh hadien katto katne bnai ba la kut ka MLA elekshon 2023. Napdeng bun ki nongialam, tang u bah Ban uba la kyntait ban iasoh sha ka ka seng NPP.
Haba kren hadien ba la rung dang shen sha ka UDP, u bah Ban ula ong ba hadien ba la puson bha, ula rai ban iasoh sha ka UDP watla ki don bun ki seng sain pyrthei kiba wan khroh ia u.”Mynshwa, nga dei u nongtem drum, mynta ngan tem bom kham bha shuh shuh”, la bynrap u bah Ban.Kumba la ioh jingtip, u bah Ban un iakhun biang ia ka MDC elekshon ban wan na ka UDP na Pynthorumkhrah Constituency.
“Hadien ba ngam treh ban leit iasoh sha ka NPP, nga la iasyllok bad kiba haïing hasem, ki nongkyrshan bad nga la rai ban iasoh sha ka UDP”, la ong u bah Ban.
Tem bha pat ioh pait ka bom pyut