Ngan pynphai pat ia ka jinglong mraw u Jakob

AIS Suja

“Mynta ngan pynphai pat ia ka jinglong mraw u Jakob ngan isnei ia ka iing Israel baroh” Esekial 9:25. U Blei u la kren ia kane ha u Prophet Esekial da kaba ong – “Kumne ong u Trai u Blei” Esekial 29:25. U Esekial u la thoh ia kane ka bynta ha ka spah snem kaba Hynriew (Sixth Century BC). Naduh kito ki spah snem u Blei u la kren ha u Esekial ba un sa pynphai pat ia ka jinglong mraw ki khun Israel. U la pynphai pat ia ka jinglong mraw jong ki Israel na ka bynta ka burom ka kyrteng jong u hi da kaba u ong – “Ngan sngew skuin na ka bynta ka kyrteng Bakhuid jong Nga” Esekial 29:25.

Ha shwa ba u Blei un pynphai ia ka jinglong mraw ki khun Israel, u la phah shwa ia la u khun ba la kha marwei sha kane ka pyrthei da kaba la kha ia u ha ka jinglong doh ha u snem 4 AD. U khun u Blei u Jisu Khrist u la iakynduh markhmat bad ka jaidbynriew Jwi ne Israel ban iathuh ha ki ba u long uta uba la wan ha ka kyrteng u Kpa (Blei) jong Nga, hynrei phim pdiang ia Nga”. Ioanis 5:43.u Jisu u iathuh shuh shuh ha ki da kaba ong – “ Nga long u Kpu ba hiar na bneng” Ioanis 6:41. Ngi ioh ba ki Jiw ne Israel kim ngeit ne pdiang ia u Jisu. “U la wan sha la ki jong (ha Israel), kita kiba dei la ki jong kim pdiang ia u”.

Lada kumta, u Blei un pynpep noh ia la ka kular jong u halor ka iing Israel? Em, namar u Blei um ju kylla” U Blei um dei u briew ba un lamler” Kitab Jingkhein, te ngan pyndep ruh ia kata; Nga la thmu Ngan leh ruh ia kata”. Isaiah 46:9-11.
Mynta ngi iohi ba u Blei u la pyndep ia la ka jingkular halor ki Israel ia kaba u la ong ha u Esekial “Mynta Ngan pynphai pat ia ka jinglong mraw u Jakob” U Jakob ne Israel ne ka jaidbynriew Israel ka la lait na ka jinglong mraw ha ka doh, tad haduh u snem 1948 AD, baroh kito ki snem shadien ki la long mraw sha kylleng ki ri ka pyrthei kumjuh ha Babilon. “Harud ki wah Babilon hangta ngi la shong bad ngi la iam haba ngi kynmaw ia ka Seion” Salm 137:1.

U Blei u la pynphai pat ia ki Israel sha la ka jong ka Ri dei na ka bynta ka burom bad ka kyrteng Bakhuid jong u” Esekial 39:25. Bad kane ka wan phai pat ki Israel sha la ka jong ka ri ka dei ka por ka jingkhie lung u Dieng Dumbur (Ka mut ka jing wanphai pat ki Israel). Mathaios 24:32. Ka por ha kaba ki Israel kin pynthymmai pat ia la ka ri bad ia ka Nongbah Jerusalem ban buh ia ka kyrteng jong u hangta. 2 Khronikl 6:6.
Te haba ngi iohi ia ka jing wanphai pat ki Israel sha la ka jong ka ri, ka mut ngi don ha ka ia (age) ba khadduh ki por bashitom ba la jan ka lyiur ki por ka jynjar bah kaba ym pat ju long na myndang long ka pyrthei. Mathaios 24:21.
Ki Israel, ki la lait na ka jinglongmraa ha ka doh hynrei ym ha kaba kynja mynsiem, namar ki la kyntait ia la u jong u Messiah. Hynrei ka por kan poi ba kin ithuh ia u bad kin iam briew ia u. Sekharaiah 12:10-11.