Ngan hap tih bniah shwa ïa ka ‘One Nation One Election, ong U Bah Paul

Shillong:U Myntri Sorkar bad Working President ka UDP u Bah Paul Lyngdoh ha ka sngi Ba-ar, ula buh jingkylli ïa ka sienjam jong ka Sorkar Pdeng ban pyntreikam ïa ka ‘One Nation, One Election’ (Kawei ka Ri kawei ka ilekshon) haba ka Ri ha ka jingshisha ka dang donkam kham bun ïa ka jingpynïa pher ïa ka por (time zone).

Haba ïakren bad ki nongthoh khubor, u Bah Paul ula ong ba un dang ban pule bniah ïa ka jingktah jong kum kane ka plan na ka liang jong ka Sorkar.
“Hynrei nga sngew ba ha ka ri kaba ïakhleh kum ka India, kum ka nuksa, ka Ri kaba la ïakhleh ha kaba ngi dang donkam khambun ïa ka jingpy nïapher ïa ka por te kumno phi lah ban ïakren halor ka “One Nation, One Election,” ong u Bah Paul.

“Kiwei ki bynta jong ka Ri ki sdang ban ïatreikam kham slem haba ïanujor bad ngi namar ka Sngi ka mih kham kloi hangne. Ka Ri United States ka dei kawei ka Ri hynrei ka don haduh 4 tylli ki jingpynïapher ïa ka por (time zone), namar kata nga sngew ba kane ka la jubab ïa shibun kiei kiei,” ula bynrap.

Haba kylli, u Bah Paul ula ong, “Ka long kaba eh bha. Ha ka jingshisha ngi la ïai ong ba ngi ngeit ha ka jingïalong kawei jong baroh ki nongshong shnong bad ai ba kan ïai neh kumba ka long”.