Ngam tieng lada ki beh seng, ong U Bah Pynshngain

Shillong, 05 Risaw:
U MLA ka Congress na Mawsynram u bah Pynshngain u la ong ba um lah ban ia pein bad ka jaidbynriew bad ka seng.
“Ngan ieng beit ha ka nongrim jong ka jaidbynriew na bynta u paidbah namar ba ka party ka wan hadien”, la ong u bah Pynshngain.
Haba kylli la kane ka dei  ne em ka jing pyrshah jong u ia ka party bad ki nongialam jong ka, u la ong ba, “Ka shong ha ka party la kin beh ne em namar ba nga pyrshah ia ka rukom pyniaid ym ia ka party”.
U la ong ba ha ka jingshisha ka dei ka kam ram jong ka MPCC ba kan khot kan lum ia ka jing ialang ba kan khot kan kren shwa ia ka Bill bam ar maloi khamtam ia u, uba dei u CEM bad u briew jong ka party. Hynrei kaba lyngngoh ka long ba ki nongialam jong ka CLP kim shym la khot eiei ban iakren shwa ban rah sha iing dorbar thawain.U la ong ruh ba um shym la thmu ban pyn khyllem ia ka sorkar, hynrei ka jingpyrshah jong u ka long ia ka rukom treikam jong u Myntri Rangbah.“Kam pher lada ka party ka beh seng ne em hynrei kaba donkam  kadei  ka rai jong u paid bah namar ba ianga la jied da u paidbah”, la ong u bah Pynshngain. Katkum ka khubor ka party Congress ka lah ban kot hajir ia u bah pynshngain halor ka jingkren bad ialeh pyrshah jong u ia u Myntri Rangbah ba ialam ia ka sorkar.