Ngam shym la kyrshan ia ka PDF: Shylla

Shillong, 20 Iaiong:
U Bah HS Shylla, MDC ka Nongkrem, ula pynshai mynta ka sngi, ba um donkam satia ban weng ia ka jingkyrshan jongu, na ka kynhun PDF, namar ba um pat shym la ai jingkyrshan satia.
“Na ka liang jong nga ngam donkam ban withdraw support na ka PDF namar ngam pat ai jingkyrshan ia ka, naduh ba nga la shah jied kum u MDC na ka Seng UDP na ka 8 Nongkrem MDC Constituency”.
Ka Central Executive Committee jong ka UDP kaba la long ha ka 17tarik Iaiong 2017 ka la rai ba dei ban shong noh ha ka liang pyrshah bad u ong namarkata, ba kin sa pyntip sha u Chairman jong ka KHADC ba un pynkynriah ia jaka shong jongki, ha ka liang pyrshah jong ka Iingdorbar (Council). “Ki MDC jong ka UDP ki ban shong ha ka liang pyrshah dei ma nga bad I Kong Rona Khyndeit, MDC na Nongpoh MDC Constituency iba la leit ban weng noh ia ka jingkyrshan jong I ia ka PDF katkum ka rai jong ka CEC jong ka UDP” pynkut ka kyrwoh.