Shillong 26 Lber: U bah Robert june Kharjahrin u kyrtong ka MP Lok Sabha na Shillong Parliamentary Seat na ka party RDA, u la ong, ba ngam kwah ban iañia bad u bah Ardent President ka VPP, hynrei u la pynkynmaw ba dei ma u hi u ba ong ba ki party thymmai kim poi shaei shaei bad kane kadei ka nuksa ba ka party thymmai kan nym poi shano shano.
Ia kane u bah Robert june Kharjahrin u la pynpaw sha ki lad pathai khubor hadien ba u la dep ban thep ia ka kyrteng kum u kyrtong ban iakhun Ia kane ka ilekshon MP Lok Sabha hakhmat u Returning officer, East Khasi Hills District.
Ia u bah Robert june Kharjahrin la synranlang da u president ka United Democrtic Party (UDP) u bah Metbah Lyngdoh, u President ka Hills State People Democratic Party (HSPDP) ha ryngkat ruh bad ka kurim, nalor ki MLA ki MDC bad kiwei kiwei de.
U bah Robert june u la ong, ba ka jingbym pat urlong jong ki jingdawa ia ki mat ki jura bad ki aiñ iada ri, kadei namar ba ngim shem la ioh shuh ia kita ki MP ki ba mih na ki seng riewlum la kumba 35 snem mynta.
Kumta ka jingieng jong u, ban iakhun Ia kane ka ilekshon kadei halor ki mad ki jura ki ban iada Ia ka ri bad ka jaitbynriew hi baroh kawei, ong u bah Robert june Kharjahrin.
Shuh shuh u la pynpaw ruh, ba khlem da klet ban dawa Ia ka mad ba donkam eh ha kaba ki paidbah ka jylla ki la thrang ban ioh noh bad kata kadei ka Inner Line Permit (ILP).
Ka party bjp bad npp Kan ia die lut khoit ia ka jait bynriew