Shillong 14 Lber: Ka synjuk ki nongniah taxi sor bad khapsor ha ka sngi thohdieng ka 14 Tarik Lber 2025, ka la pynlong ia ka jingialang pynthymmai nongkitkam ka samoi treikam Jong ka synjuk na ka bynta jong u snem 2025-2028, ka ba la pynlong ha dorbar hall Nongmensong.
Ha kane ka sngi la iadonlut ki nongniah taxi sor bad khapsor ban sakhi ia ka jingjied bad pynthymmai ia ki nongkitkam jong ka synjuk.
Ki nongkitkam ba thymmai jong u snem 2025-2028, ki ba la Shah jiet ha kane ka snai na mynta, ki kynthup ia u bah Kmenlang Khonglah Kum u President,bah Wilbert Rynjah Vice president,bah Denzil Nongkynrieh General Secretary, bah Pynsuk Youroi Assistant secretary, bah Shimlad Rynjah bad u bah U bah Rocus working President, bah Wilson wahlang publicity secretary, B L.Nongrang Aast Publicity secretary,bah James L.Dahkhrut Organizing secretary, Phrangangi K Mawlong Asst Organizing, Banphira Pamin treasure, bah nalor kiwei kiwei de.
Ka jingshah jied ia kine ki nongkitkam ba thymmai kadei da ka jingiamynjurlang baroh ki nongniah taxi ba la wan ha katei ka jingialang.
U President ba la Shah jied thymmai jong ka kynhun ki nongniah kali kamai taxi sor bad khapsor u bah kmenlang Khonglah haba kren ha kane ka sngi u la ong, ba bun ki nongniah taxi ki buaid ha kapor ba kamai ka ba don jingma ia ki paidbah ba shong, da kaba u ong , ba ym ba u khang ban dih kyiad, hynrei kiar ban dih ha kapor ba dang ia kamai namar ka wanrah ia ka jingma bad jingmynsaw.
U la ong,ba haba bat Kum ki nongkitkam dei ban don kapor namar lada phim don kapor kan nym long, namar ba lada Ngim donpor mano pat ban ialam bad ban pyntyllun ia kakam na kabynta ka bha ka miat jong ka jaitbynriew .
U bah Kmenlang Khonglah ula ong ruh, ba ki don bun ki nongniah taxi kamai ki ba sniew jinglong, ki ba kren baheh ne leh baheh ia ki paidbah, da kaba u la lynti ia ki na kum kita,ba kin sngewbha ban pynpaw ia ka akor ka burom khnang ba ki paidbah kin ieit bad shaniah bad kan itynnad ruh.
Ka synjuk kamdei tang kawei ka Unit,hynrei ka lahdei ka central body bad ngi donkam tang ka jingiatreishitom u wei pa uwei u Dkhot hapoh ka kynhun khnang ban lait na kino kino ki jingeh,la ong u bah Kmenlang.
Shuh shuh u la pynsngew,ba ki bun ki nongniah taxi ki ba ladep ban apply ia ki ka sorkar,hynrei kim ioh, bad ki wan ban kamai kali noh, da kaba u la ong ia ki pulit ba peit parman ia ka surok,ba kimdei ban sngewsarong haba phi don ha kakam, hynrei pyrkhat ia ngi ruh namar ngi kamai ban bsa bad pyndap pynbiang ha iing hasem.
Nalor u president ba dangshu Shah jiet thymmai, la ioh ruh ia ka jingkren ha kane ka sngi na ka liang ki nongkitkam ba thymmai jong ka synjuk.
Phi don ban ong eiei?