Ka jhad kaba mih na Italy ban leit sha Brazil bad kaba kit ia 2hajar tylli ki kali lem bad lai dorjon ki Porsches, kiba dei ki kali kiba remdor bha, ka la ngam ha ka duriaw bah Atlantic, hajan jong ka Ri France, ha ka sngi hat majai.
Baroh 27ngut ki nongtrei ha katei ka jhad, la lah ban pyllait im daki shipai jong ka Bilat bad sa ki bor sorkar ka France, ki la pynkhuid noh mar mar ia ka jingtuid jong ka umphniang na ka daw jong katei ka jingngam jong ka jhad.
Katei ka jhad, ka iaid ha katei ka duriaw bah, ha ka 12tarik Lber 2019. Ka kompeni Porsche, ka pynthikna hynnin ka sngi, ba katei ka jhad ka kit saw jait ki kali jong katei ka kompeni kiba la tip ki 911 GT2 RS bad ka dor jong kawei ka kali, ka long $293,200 bad baroh ki kai jong ka Porsche, ki don 37 tylli antad, ong ka khubor.
Ki nongtrei jong katei ka jhad, ki la pyrshang tyngeh ban pynlip ia katei ka ding, kaba klang, hynrei kim shym lah shuh satia bad kumta la hap ban sei noh ia kitei ki nongtrei shabar jong ka jhad, ong ka khubor.
Phi don ban ong eiei?