Ngam jyllop u kpa, lait im ki khun ha Umiam

Shillong, 20 Iaiong:
Ha ka sngi Saitjain ka apot ka la iakynduh ia u Bah Algious Thabah (35 snem) na Mawiongrim ha kaba u la ngam jyllop ha pung Umiam katba don bok ki khun jongu, ki la lait im. Kane ka la jia ha ka por ba ki shong da ka lieng kynda ban khwai dohkha ha katei ka pung.
La iathuh ba kane ka la jia, ha kaba u Bah Thabah bad lai ngut ki khun jong u kila ia leit khwai lang ha pung Umiam da kaba pyndon kam da ka liengkynda.
Ha kane ka jingleit khwai kane ka lieng ka la kylla bad ha kane ka jingkylla, u tei u kpa u la iap jyllop ha kane ka pung bad ki khun lai ngut pat ki la lait im.
Ki pulit ki la ialeh katba lah ban ioh khwai noh ia katei ka met jong u tei u rangbah na katei ka pung Umiam.