Ngam jyllop u heprit 3 snem

Nongstoiñ: Ki pulit ka Nongstoiñ Police Station, hynnin ka miet ki la ioh pdiang ia ka jingpyntip na u bah Nespas Marngar Sordar ka shnong Mawkohniang West Khasi Hills, halor ka jingjia ngam jyllop jong u wei u heprit u ba dang 3 snem ka arta.
Katkum ka tyllong khubor na ki pulit la ong ba u tei u heprit u dei u bala tip kyrteng kum u Kyrshan Marwein khun jong u bah Donborlin Marwein na ka shnong Mawkohniang u la ngam jyllop ha ka wah Syllei Wanniang kaba la jia ha ka 11 tarik mynta u bnai ha kapor 4:30 PM.
Na ka liang jong ki pulit hadien ba la ioh ia katei ka jingpyntip kila leit sha katei ka shnong na ka bynta ban pynlong ia ka jingtohkit bad hadien bala dep ban tohkit bniah bad hadien bala leit ruh ban peit ia katei ka wah ki pulit kila pyntikna ba u tei u heprit u la ngam jyllop shisha.
Hadien ba ki pulit kila lah ban pyndep lut ia baroh ki jingdonkam katkum ka ain na ka liang jong ki ba ha iing jong u tei u heprit kila leit ban iakynduh ia u ADM ka West Khasi, Nongstoiñ na ka bynta ban pan pyllait noh ia ka Post Mortem ha kaba kila ioh ruh ia ka jingbit ban rah noh ia ka met iap jong u tei u heprit.
Na ka liang jong ki pulit kila register ruh ia ka case U. D C/no. 07/2019 U/S 174 Cr. P. C.