Ngam jyllop ka samla ha thwei Sahksaw, East Jaiñtia Hills

Shillong: Kawei ka samla lud kaba la tip kyrteng kum ka Riwanki Dkhar, 22 snem ka rta, ka la ngam jyllop ha ka thwei Sahksaw, Myntdu ha ka shnong Chamcham, East Jaintia Hills District ha ka Sngi U Blei.

Kane ka thei lud ka dei na ka shnong Moolamanoh bad kala leit kai sha katei ka jaka bad kiba haiing, hynrei kynsan kynsan kala btuit bad ka la ngam jyllop ha katei ka thwei.

Kane ka samla kadei kaba pule ha ka 4th semester jong ka B.Ed ha University of Science Technology & Manangement.

Haduh ba thoh ia kane khubor ym pat lap satia ia ka met jong kane ka thei lud bad ki pulit ki dang pynlong ia ka jingwad ia ka met jong kane ka samla lud.