Ngam ju kwah, ba ki phlim jongu, kin iaid iew, ba nga tieng, ba un sah ha Mumbai, ong ka Gauri ia U Shah Rukh

Ka phlim Jawan, ka la khluit bha, ka jingkamai jongka, haduh ha kine ki sngi bad ia katei ka phlim, la pynmih lang da ka Gauri Khan, kaba dei ka kurim jong U Shah Rukh Khan.

Ha kaba kum kane ka por, ka mih pyrthei biang ka interbiw, kaba rim jong ka Gauri Khan, ha kaba ka da kwah eh, ba ka phlim jong U Shah Rukh Khan, kan dei kaba phlop lane ka bym iaid iew satia bad ka daw, ka long, ba ka Gauri, ka bynnud palat ia U King Khan, ba un leit poi ha sor Mumbai.

Haba kylli, la ka Gauri, ka la long shisha, kum u diengbah, uba pynkhlain bor ia U Shah Rukh, hynrei, ka Gauri, ka a ong “Em, kam dei satia kumta” bad ka ong biang “Ngam da sngewkhuid mynsiem satia, ba U Shah Rukh Khan, un wan shong wan sah sha Bombay. Kam ju rung satia ruh, ka jingmut hanga, ba U Shah Rukh Khan, u dei u khlur ak phlim bad nga sngew kyndit tang shu poi hangne, ia ka jinglong jingman ka jaka, ka shnong ka thaw, ka kam ak phlim bad sa shibun kiei kiei ruh. Ka da dei shisha, ka por kaba eh than bad ngam ju kwah hi ruh, ba ki phlim jongu, kin iaid iew bad nga kwah bha, ba lada ki phlim jongu, kim iaid iew, kumta, ngin leit phai biang sha Delhi. Phi tip hi, ngi ia poikha, dang ha ka rta kaba dang khynnah bha, dang 21 snem, kumta ki phlim bad ki jinglong jingman jong ka imlang sahlang, ki dei kiba thymmai palat ha ngi bad hanga, nga sngew ba kiei kiei kim dei kiba biang, hynrei, ki dei kiba sahdien bad ki bym don ba ibang satia”.

“Ki don bun bah ki khep, ba ki phlim jongu, ki iaid iew bha, hynrei nga te ialade, ngam ju tip satia ia kita kiei kiei ruh. Ka Deewana, ka dei kaba iaid iew bad nangta ka Dilwale, hynrei nga te ialade, ngam pat ju bna satia, ba ula dei u khlur ak phlim ba pawnam”.

Ka Gauri, ka iathuh shuh shuh, ba U Shah Rukh, u don ia ka jingkut jingmut, kaba khlain bha, ha ka jingim jongu, naduh ba u dang khynnah. “Ha skul, ha kolej, u ju wan beit shakhmat, lada ka dei ha ka phutbol, ka hockey, ka jingialehkai bad ia kaei kaba u ktah, ka shu dei kaba bha tam suda bad ia nga lei, kat kaei kaba u ktah, ka dei kaba da ka ksiar suda bad nga sngew thikna ruh, ba ka dei na ka jingshalak jongnga, ba nga la jied da u briew, uba biang tam bad nga sngew donbok shibun, ba nga ioh ia u” ong ka Gauri bad ka wiat sammuin halade.