Ngam donkam ban thiah bad ki shynrang, nga don la ka jong ka tnga, ong u lamphang Karnataka

U Ramesh Kumar, u lamphang jong ka dorbar Karnataka, ula ong mynta ka sngi, ba um donkam ban ia thiah bad ki shynrang, namar ba u don ia la ka jong ka tnga. Ka jubab jong U Kumar, ka dei halor ka jingkren jong U KH Muniyappa, u nongialam jong ka seng Congress, ha kaba u ong “U Ramesh Kumar bad nga ngi ia long kum shi tnga”.

“Ngam ju thiah bad ki shynrang, nga don ia la ka jong ka tnga. Lehse u lah ban i mon ianga, tangba nga te ngam mon satia ia u” ong U Ramesh Kumar.

Baroh arngut kitei ki nongialam jong ka seng Congress, ki kwah ban iakhun na ka Kolar Constituency, ha kane ka elekshon Lok Sabbha 2019 ha Karnataka.  U Muniyappa, ula ju mihkhmat na Kolar Constituency naduh u snem 1991 ban leit sha ka dorbar Lok Sabbha, katba U  Ramesh Kumar, u pyrshah ban dang ai tiket biang ia U Muniyappa ha kane ka kynti ba mynta.