Shillong:”Ha ki jingïai buddien jong nga hapoh ka kam Saiñ Hima Sima ne saiñ pyrthei, na ka bynta ka sngi jong nga ka wan hadien ba nga la iehnoh kam napoh ka seng Congress, baroh ar kum u dkhot executive ka MPYC bad kum u primary member ka seng Congress,” ong u Vincent T Sangma ha ka kyrwoh khubor.
U la ong ba u lah ban pynïasoh bad kano kano ka Seng saiñ pyrthei ne political party ban shim khia katto katne ki kam na ka bynta ka bha ka miat ki samla jong ka Ranikor constituency, kumjuh ruh na ka bynta ki samla ka jylla ne state youth wing.
“Naduh ba nga la iehnoh na ka seng Congress ne jinglong dkhot ba nyngkong ka seng Congress, hadien katto katne ki nongïalam ki la pulom ban sngew ban sngap ïa ka jingdonkam ban pynkhlaiñ ïa ki samla hapoh ka parti,” ong u Vincent.
U la bynrap ruh da kaba ong, “Haba nga dang don hapoh ka Congress nga la bat lai tylli ki kam, ha kajuh ka por ïa ka kam executive membership ka MPYC, Youth vice president ki bym dei Khasi (non khasi) ka Mawsynram block, youth organiser ka Ranikor Block. Katba nga dang bat ïa lai tylli ki kam ne post ngam shym la dap pura ka jingkmen namar ka jingduna ka jingïadei hapoh ka jingtreikam ka party kaba la treikam da ki katto katne ki nongïalam,” ong u Vincent T sangma ha ka kyrwoh khubor.
Kyrmen LA khylliap lama ka seng congress 2023