|
Dayoomonmi Bareh
Shiliangmyntang
1. Nga long tang u khun ba duk jong i Mei,
Sha pha ko Ri ngam don ban ai eiei;
Sap b’la ai U Blei ngan sam lem sha phi,
Lyngba sur jingrwai lem bad ki Poetry
2. To Kyndit Bynriew Ri baieit jong nga,
To shim la ka stieh ïa ka Ri ban da;
Ba pateng ban wan, jait bynriew jong ngi,
Kan lait jinglong Mraw, ha la ka jong ka Ri
3. Ka thma ka la poi ha ka Ri jong ngi,
Ka por kam shah shuh ba ngin shong kli kti;
Ha jingmut jingpyrkhat ngin long rangbah,
Ïu nongwei shi sngi ban ïaleh pyrshah.
4.Ka thma kam dei shuh da ka jingumsnam,
Kane sha jingbha kam lah ban ïalam;
Ha ki kam bad jingleh pyn-i sha kiwei,
Da jingieit ïeng tylli, pynpaw sha Pyrthei.
5. Ha ki kam ki jam, ka ktien ka thylliej,
Khun Khasi Khara ïeng tylli da jingieit;
Wat leit bud tynneng ïa ka jong kiwei,
Ban lait shah kren beiñ ha khmat ka Pyrthei.
|
Phi don ban ong eiei?