“Ngam don bynta” ong U Syiem khynnah ia ka T.2 klur tam

Shillong, 18 Nailur:
U Syiem khyn nah ka hima Mylliem u Pa’iem Thwelson Manik Syiem u la pynshai ba um shym la don bynta eiei ruh em ha ka jingsei ia ka pisa ka hima Mylliem kaba T.2 klur tam (Arklur khad hynriew lak tyngka khyndai hajar phra spah laiphew san tyngka) kumba la mih ha ka khubor Rupang kaba 15 tarik u nailur na bank Account jong ka Hima Mylliem kaba don ha Meghalaya Co-Operative Bank Ltd. Halor katei ka khubor u syiem khynnah u la ong um don jingtip eiei bad um don bynta eiei bad ka dei tang ka jing kynnoh khlem nongrim ia u bad ka bym shonghok.
Lah ban kdew ba katkum ka jingujor ki myntri Liang pyrshah ka hima Mylliem kaba la phah sha District council kaba la ujor pyrshah ia u Syiem ka hima Mylliem, u syiem khynnah bad ia ka Executive Dorbar ka hima la kynnoh ba u Syiem u la sei ia ka pisa ka hima Mylliem kaba T.2 klur tam khlem da ai jingkheiñ bad khlem da pynrung ha ka cash book ka hima.