“Nga sngewsih bha” ong u bah Manstudy

Shillong,20 Naiwieng:
U bah Manstudy Nongrem CEM, Chairman barim ka KHADC , u MDC ba mynta ka seng Congress na Langrin konstitwensi u la ong ba ha ka por ba u long kum u Chairman u la trei shitom ban thaw ia ka Advisory Committee kaba kynthup ia ki hima, Elaka, Sirdirship bad bun ki khraw pyrkhat bad katei ka komiti ka la dep shna haduh 7 tylli ki Bill kaba pyni ba ki Hima, Elaka, Sirdirship ki dei ban don ia la ki jong ki Bill ban pynkhlaiñ ha ka synshar khadar, “Hynrei nga sngewsih bha, 7 tylli ki Bill ngi la shna ka Executive Committee kam shym la wanrah ha ing dorbar ban pynlong aiñ” ong u bah Mansturdy haba kren ha ing dorbar ka District Council ha ka dorbar kyrpang kaba la long ha ka sngi saitjain jong ka taiew. U bah P.T Sawkmie MDC ka Congress na Mawlai u la pynpaw ka jingsngewkhia hapoh ing dorbar namarba u Lat u la shu pyntip kyrkieh ia ki MDC ba ka don ka dorbar kyrpang, “Tang shisngi la ai por ia ngi, u Lat um burom ia ngi ki MDC” u la ong.