Nga sngew kumba nga duh, ia u kpa lajong, ong U Sonowal, ba iap U Gogoi

Guwahati: Ka Assam, ka la pynbna ban sngewlem na ka bynta lai sngi kynthih, halor ka jingiap U Tarun Gogoi, myntri rangbah barim ka Assam.

U Sarbananda Sonowal, myntri rangbah ka Jylla, ula pynbna ia kitei ki lai sngi jong ka jingsngew lem ia U Gogoi bad u ong ha ka jing pynmih khubor jongu . “U nongialam jongngi, u myntri rangbah barim, U Tarun Gogoi, ula iehnoh ia ka jylla, ha ka jingdiaw mynsiem kaba khraw. Ngi don ha ka jingsngewsi kaba jur. Na ka bynta jongnga, nga sngew kumba nga la duh ia u kpa lajong bad u ju hikai ia ngi bad hukum ia ngi, kumba u kpa u leh ia u khun lajong. Mynta ngi la duh noh ia ka jingieid na u kpa” ong U Sonowal.

U Sonowal, u iathuh ba hadien ba ula shah jied kum u myntri rangbah ka Jylla, ula leit ban pan jingmut na U Gogoi, haba ula kular, ba un iarap bad ai jingmut, halor ka jing kitkhlieh jongu, kum u myntri rangbah ka Jylla.