Nga sngew ba u dang dei u HSPDP, um kynriah na ki nongrim: Pyniaid

Shillong, 20 Naiwieng:
“Nga iohi ha ki kotkhubor kiba mih mynta ka sngi ba la thoh ba u bah L.G Nongsiej u ban sa shimti ia ka kam Chairman , u dei u MDC shimet” ong u bah Pyniaid sing Syiem MDC ka HSPDP na Sohryngkham haba kren hapoh ing dorbar ka KHADC ha ka sngi saitjain jong ka taiew.
“Nga sngew ba u dang dei u HSPDP, u bah L.G haduh mynta ruh um shym la kynriah ia ki nongrim jong ka seng, dei ban pynneh ia u ha katei ka shuki haduh ban da kut ka samoi treikam jong ngi” ong biang u bah Pyniaid sing Syiem.
Katba u bah L.G Nongsiej pat u la ong ba haduh mynta u dang ieit ia ka seng HSPDP bad u dang don ka jingsngew ialade kum u HSPDP, “Ngam lah ban klet ia ka seng HSPDP, dei lyngba ka HSPDP nga long kumne” u la ong. Lah ban kdew ba ka seng HSPDP hapoh ka jingialam jong u bah Ardent M Basaiawmoit ka la beh seng ia u bah L.G Nongsiej, MDC jong ka hadien ka elekshon shiteng samoi ha Nongstoin namar ka jingkhlad noh u bah Hopingstone Lyngdoh , MLA barim ( bam kwai ha dwar u Blei).
Hynrei hadhu mynta katei ka jingbeh seng kam shym la shai ha u ba hL.G bad kumjuh ruh ha u bah Morningstar Mawsor MDC katei ka seng na Mawshynrut bad kitei ki la ong ba la kyntait lut ia ki kam ka HSPDP ia ki bad la weng ruh na ki kam ba ki bat hynrei kim ioh jingthoh eiei ban pyni ha ki ba ki la shah beh seng. Ki khubor hamsaia ha Nongstoiñ ki la saphriang sted ba u bah L.G Nongsiej u lah ban ia khun na ka seng UDP ha ka elekshon 2018.