Nga ruh ngam tip satia, haei la kha ia ka kmie jongnga, ong U MR ka Bihar

Patna: Ka sorkar Bihar, ka la thoh sha ka sorkar India, ba kan weng noh ia ki katto katne ki kyndon ha ka phom jong ka National Population Register (NPR), ong U Nitish Kumar, myntri rangbah ka Bihar, haba jubab ha ka iing dorbar Jylla mynta ka sngi.

“Wat ma nga ruh ngam tip satia, haei ba la kha ia ka kmie jongnga. Kam donkam satia ban iakren halor ka NRC” ong U Kumar.

Ka jingkren jong u myntri rangbah, ka mih hadien ba ka la thnam ka jing ia kren ha iing dorbar jong ka Bihar, ha kaba ki liang pyrshah, ki kynnoh ia katei ka ain citizenship jong ka sorkar India, kum ka kala kanoon.