Nga la rben ka snieh doh ba shah lynthaw ha District Council: Pynshngaiñ

Shillong, 7 Rymphang:
Shuwa ban ai jing-kren ha ka jingialang paidbah kaba la long ha Laitkor halor ka mat MU DA, u CEM ka KHADC u la ong ia u chairman ba un shyit ia u, lada u kum kren shabar jong katei ka mat ia kren kaba la buh kata ka long ka MUDA, “Nga kyrpad ia u chairman lada nga kum kren shabar u lain, shyit ia nga hyndiat tangba shyit kham eh ioh ngam iohsngew namarba nga la rben ka snieh doh namar ka jingshah lyn-thaw hangtei ha District Council” ong u bah Pynshngaiñ. “La lynthaw ia nga da kaba sospon hynrei ngam poi shano shano, la lynthaw ia nga da kaba ia sylla sop sop ban pynhap shuki CEM hynrei ym poi shano shano, u briew uba shong ha ka liang kaba khih, lada ym khih ruh kwah pynkhih hyndiat hyndiat” u la ong.
U bah Pynshngaiñ u la ong ba u la kmen palat naba u dang mut ba mynta ka sngi u la ia kynduh ia u myntri ka tnad pynroi sor u bah Ronnie V Lyngdoh ban ia kren halor ka nongrim ba la pynngat MUDA ia ki jaka ba hap hapoh ka jingpeit ka District Council hynrei u la ong ba ha kane ka sien ba mynta ruh um shym la ioh ban ia kynduh markhmat bad u bah Ronnie, “Nga nangmut ba ha ka Workshop ka HYC ha Mawlai ngan ioh ban ia kren markhmat bad u hynrei u khlem wan, hynrei mynta ruh um wan” ong biang u bah Pynshngaiñ.