Shillong:U MLA barim ka Salmanpara, u Winnerson D Sangma ha ka sngi Thohdieng u la pyniasoh sha ka seng Bharatiya Janata Party (BJP), ha ka jingïalang kaba la long ha ophis jong ka party.
U Winnerson, u dei u briew uba iajan bha bad u Dr Mukul Sangma bad u dei u MLA barim uba la jop na ka seng Congress, bad ha u snem 2021 u la rung sha ka seng Trinamool Congress hapoh ka jingïalam u Dr Mukul ryngkat bad 10 ngut ki MLA ka seng Congress ha katei ka por.
Ia u Winnerson la pdiang sngewbha da ki nongialam ka BJP Meghalaya, ba kynthup u president u Rikman G Momin, ki MLA ba kynthup ia u Bah AL Hek bad u Bah Sanbor Shullai bad u Bah Mariahom Kharkrang nalor ka jingiadon lang kiwei ki nongialam ka party.
Haba kren hadien ka jingïalang pdiang burom, u Winnerson u la pynpaw ka jingsngewnguh ia u Dr Mukul Sangma bad ki nongialam ka Meghalaya Pradesh Trinamool Congress (MPTC) kiba la kyrshan ia u na ka por sha ka por. “Nga la rai ban mih na TMC hynrei ngam mih na u Dr. Mukul Sangma, uba la kyrshan ia nga ha baroh ki por”, la ong u Winnerson.
U Winnerson u la kam ruh ba nadien jong u ha ki khyndiat sngi yn sa don ruh kiwei ki nongialam ki ban sa rung sha ka BJP, hynrei u la kyntait ban iathuh kyrteng bad ban pynthikna ia ka jingrung u Dr Mukul. U la ong ba hapoh ka jingïalam u Rikman kum u president ki paidbah, ha Garo Hills ki la sdang bun kiba pdiang ia ka BJP. “Hapoh ka jingialam u President u Rikman G Momin, ka jingpdiang jong ki paidbah ia ka BJP ka la nang suhsieng ha rilum Garo”, la kam u Winnerson.
Ula kam ba kiba bun ki paidbah ka Garo Hills kin sa rung sha ka BJP shen shen. “Kiba bun ki paidbah bad ki nongialam na Garo Hills kin sa rung sha ka BJP shen bad phin sa iohi”, la ong u Winnerson hynrei, um treh ban jubab halor ka jingkylli la u Dr. Mukul un rung ne em sha ka BJP.
Na ka liang u nongialam ka BJP uba dei ruh u MLA, u Bah AL Hek u la ong ba ka jingrung u Winnerson sha ka BJP ka pynpaw shai ba ka BJP kan jop ia ka MP election, bad kob ruh sa katto katne por kin don ki MLA barim bad ki MLA ba mynta ki ban rung sha ka BJP.
rung phi shano2 bad mih syndon bad pan syndon ka jylla lajong..
nga buh kane ka jingkylli ia baroh ki khasi ba lah nang lah stad ba ha kano ka dur ma ngi khasi bad garo ngi sngew long kumjuh haba nadong shadon ngim don kita ki similarities..naduh ka bam,dih,culture, ktien ter2 ngi long miles apart(lah pyndonkam khalish).Hato ngin shu ailad ia kine tang namar ba ki long backward?11 lakh garo u ioh 1188 post pulit. 22 lakh u khasi bad jaintia un ioh 1187…Balei u khasi u loin ka jabieng haduh katne..Ka ktien khasi ba dei ban ioh bishni kane ka MP Garo bad lah sngewthuh kine ki nym kwah ba u khasi un kiew palat.
NPP/UDP/HSPDP/Congress kine ngi dei ban bret noh shi syndon sha riat.