Shillong:“Nga la iaid sha kylleng ka Ri bad kylleng ka pyrthei, hynrei ngam pat ju kham lap ia kaba kum kane ka jaka kaba itynnad” ong U MJ Akbar myntri khynnah kam bar ri jong ka sorkar India, haba kren ha ka jingialang pynkhuid shnong ha Mawklot mynta ka sngi.
Haba kren ha katei ka jingialang jong ka Swachhata Hi Seva(SHS), kaba la pyniaid da U Bah PS Dkhar, Deputy Commissioner, East Khasi Hills, U Akbar, ula pynsngew ia ka jingkren jong U Narendra Modi, myntri rangbahduh, ha kaba u pynsngew ba ka jingdon jong ki painkhana shimet, kam shym la thew satia ia ki shynrang, hynrei ka thew kyrpang ia ki kynthei. “Na ka bynta ka kynthei, khlem ka painkhana kaba ka long trai hi marwei, ka dei ka jing pynshitom bein ia ka, namar ba haba ka leit jingleit shabar, ka hap ban shah ia ka jing donkam ban leit shabar bad kumta ki hap ban ap haduh ban da wan ka miet bad da wan ka jingdum”.