Nga la dep ai jingtip ban don jingialang mynta, ong u bah Teinwel

Shillong: U CEM ka KHADC u bah Teinwel Dkhar u la pynpaw ia ka jingsngew kyndit ia ka jingweng jong ki 6 ngut ki MDC ia ka jingkyrshan na ka kynhun People Democratic Alliance (PDA).

Haba kren mynta ka sngi, u bah Teinwel u la ong, “Nga la ai jingtip ban don ka jingialang mynta ka sngi, hadien ba kila ai por khadduh hynnin ka sngi”.

“Nga la ai jingtip ba ngin don shwa ka jingialang ka Executive Committee bad hadien ka jingialang ka United Democratic Alliance (UDA)”, la bynrap u CEM ka KHADC.

U la ong ba kane ka long hadien ba u la ioh shithi kaba kila buh por shi taiew kaba kut hynnin ka sngi hynrei hynne ka sngi, ula ioh pdiang pynban ia ka shithi ba kila weng ia ka jingkyrshan na ka UDA.

Katkum ka jingong u bah Teinwel, ka daw ba ki weng ka jingkyrshan ka dei ba kim hun ia ka pisa ba iasam ia ki MDC bad kawei ba ki kwah ban khot ia ka jingialang ka UDA.

U ong ba ia kane ka jingweng kyrshan jong kine ki MDC, yn sa iakren ha ka jingialang ka UDA mynta ka miet ban shim ia ka rai.