“Nga kyrshan ia ka mukotduma jong u Rev. K. Pyrtuh”

Haba nga iohi ia ka kot khubor ba la mih ha ka 22.6.2019 ba la thoh shaphang ka jingai mukotduma jong u Pastor K. Pyrtuh pyrshah ia ka Synod (See Not) halor ka suspension ia ka kam Pastor jong u nga sngewdei ban ai ka jingkyrshan kaba pura ia utei u Pastor. Ki don artylli ki daw balei ba nga kyrshan ia u Pastor Pyrtuh. Kita ki long kine harum:-

1. Ba u Pastor K. Pyrtuh u long u briew uba kren ia ki jingshisha bad uba shlur.
   Balei ba nga kyrshan ia u Pastor Pyrtuh. Ia utei u pastor nga dang iohi, iakynduh bad iohsngew ia ka jingkren jong u ha ka jingiaseng Porla District ha ka Balang Presbyterian Mawthylliang ha ka snem 2016. Ia ka jingkren jong u nga la sngap bha bad nga sngewthuh ba u long u briew uba shlur, uba shai bad uba iohi jngai. Kiwei haba ki iathuhkhana ha ki jingiaseng ki ialeh ban buhrieh ia ki katto katne ki jingshisha khnang ba ki paidbah kin ym tip. Hynrei ma u pat u kren lut ia ki jingshisha. Kham niar ban iohi bad iohsngew kum ia une u Pastor. Ah! Ba lada kin mih bun ki Pastor kiba long kum u K. Pyrtuh, nga ngeit ba wat ka Seenot kan kylla ba mut. Ko Pastor Pyrtuh, to nangiaid shaphrang, wat surrender haba phi leh ia ka jingshisha. To u Blei un iarap ia phi. Ia ka jingjop ne jingrem ym don ba lah ban batai. Kaba donkam ka longka jingshlur “To Challenge, not to surrender”. Lada jia ba rem ruh ym lei lei, peit ia nga wat haba nga la shah pynduh na ka jinglong Pastor ruh ngam shym iap. Nga dang lah ban kyrshan skul ia ki khun kumba ka long lem kiwei. wat i sim iing in ym hap khlem ka jingtip i Pa. Ex Rev K Langrin