Scholar Lawriniang (Nongthliew WKH)
Ph.no. 9366576277
Hadien ka jingkhlad noh i (L) Dr. John Sailo Ryntathiang na ka jingpang Covid 19 ngi iohi ha ki kot khubor sa kiba ha iing pat ki shah ktah ha kane ka jingpang covid 19, kum ka iing ka jong phi nga sngewthuh shai ka don hapdeng ka jingsngewduh jingkyrmen ka ba khraw ha kaba u lyoh ba dum u dang shu wan tap ia ka longiing da kaba duh noh ia la u Kpa ka iing u ba long u nongpyndap pynbiang u nongaibuit nongaibor ia ka iing ka sem baroh kawei hynrei mynta pat sa da kane ka wan jia. Hynrei kaba nga kwah ban ia pashat lem ha phi kiba ha iing ha sem i Dr. Sailo ka long ba phim dei ban duh jingkyrmen lane artatien wat haba phi mad kat ia kane ka jingtynjuh ha ka iing ka jong phi, namar U Blei hi u tip khambha na ka bynta ka iing ka sem ka jong phi watla phi mad kat ia kane ka jingsngewsih.
Nga ju kynmaw ia ka khana shaphang u wei u khraw spah u ba riewblei na ka ri US ha ki hajar snem mynshwa kaba ym don kat une u briew ka jingkhraw spah ha ka ri US ha kito ki por bad u dei u ba don nam shibun ha kylleng ka pyrthei, bad u don da ki hajar ki shakri jong u bad ki jingri jingdup jong u da ki phew hajar, bad u don ki khun 7 ngut bad haba u ne u briew u la dap kyrhai khlem khuslai, kyndit kyndit ka la wan ka nemsniew kaba khraw ha ka iing jong u ha kaba la shoh lut da ka jingiap ia ki shakri ia ki jingri jingdup wat ki khun jong ruh ki lah iap lut, (shisien iap baroh 7 ngut) bad u ne u briew haba u iohi ia kane u la kad wat ia ka jain kup bad ka lok jong u ka la ong ia u balei me dang ngeit ia u ne u Blei me dei ban kynriah bad khein iap noh ia u ne U Blei, hynrei u ne u briew u la tim ia la ka lok da ka ba ong: Pha kren kum kawei na ki riewbieit, Balei ngin pdiang na kti U Blei tang ia kaba bha? Te ngin ym pdiang ia kaba sniew? U ne u briew u ngeit skhem ha U Blei um shym la kynriah satia na ka jingngeit jong u, bad da ka jingiaishah jong u, U Blei u la kyrkhu arshah ban ia kaba u ioh mynshwa ha ki por ba la dep kane ka la pynkmen ia u, bad u ju ia thuh ia kiwei shaphang ka jinglong hok bad ka jinglong khraw U Blei. Bad une u dei U Job.
Kumta nga kyrmen skhem ba U Blei u don ka jingthmu kaba khambha ia ka iing ka sem jong phi bad un niad ia ki ummat ka iing ka sem jong phi, bad ngi kum ki briew ngim kot bor ban pyrkhat ia ka jingthmu U Blei baroh, hynrei kaba donkam ka long ban shu hun bad ngeit ha u ta u ba donbor baroh ia ka bneng bad ka khyndew. Kum ka iing ka sem jong phi phim dei ban duh jingkyrmen U Blei um ju pynlehrain buhkhoh ia kita kiba khot kyrpad ia u. Suk u ta u briew uba iaishah ia ki jingtynjuh , naba la tynjuh ia u ba un ioh diang ia kata ka pansngiat ka jingim.( Jakob 1:12) suk kiba sngewsih naba yn pyntngen ia ki (Math 5:4) lehse don ruh ki ban ibein ia ka iing ka sem jong phi ha kum kane ka por, hynrei wat pynsngew ia kum kita dwai na kabynta jong ki, tang kawei kaba nga sngewskhem ba u Blei um ju kwah ia ki khun jong u ba kin shah pynlehrain ha kti u Nongshun jong ki (soitan)
Kumta wat artatien wat duh jingkyrmen , hynrei pynkhlain ialade ha ka jingduwai ban khot kyrpad ia u , un sa bah noh ia ki jingkhuslai jong phi.
Da ki jingjngem snam jong u la pynkhiah ïa phi’ – Isaiah 53:5.
Khublei Shibun.
A Bapli U Bah Sailo katto ka jingleh bha ka Jong u,ym pat don MLA ne MDC ne ki riew heh spah ban kner kti kamon kti kadiang Kat u Sailo ban iarap naduh kipor barim haduh kine kipor, Phew seh la mynta hadien ka shnong Kam ithuh ia u ba ym dei u trai jylla. ??? U Sailo in sahnud beit katba ym pat ia is ka met ne ka khyndew Sha ka jaka ba u shong u sah.