Nga kyrmen ban rah ia ka thong, ong u Ma Siangshai

Shillong, 23 Lber:
U Ma Dennis Siang shai u la thep kyrteng hynne ka sngi kum u kyrtong shimet ban iakhun na ka bynta ka elekshon MP na Shilong Lok Sabha Parliamentary Constituency.
Haba kren hynnin ka sngi sha ki nongthoh khubor, hadien ba la dep thep kyrteng, u Bah Siang shai u la ong ba ka rai ka jong u ban iakhun ia kane ka elekshon MP ka long namar ba u don ia ka jing thrang ban shakri bad ban kyntiew ia ka jaidbynriew barit paid. “Ngan shim khia halor ka jingkiew ki mar bam mar dih, ka diesel bad ka petrol, ka jingkiew dor ka LPG kaba la palat ka la ktah ia u duk u suk”, la ong u Bah Siangshai.
U la kular ruh ba lada u shah jied kum u MP un shimkhia ban iakren ia u pud u sam jong ka jylla ym tang katta hynrei un shimkhia ia ki mat ba ka jaidbynriew ka jong ngi ka donkam.
U Bah Siangshai u la ong ba lada u jop ha kane elekshon ka thong jong u ka long ba un leh bha khamtam ia ki ba duk ba suk.
U Bah Siangshai u dei u kyrtong u ba la iakhun teng ha kane ka elekshon MP jong u snem 2009. Katkum ka jingiathuh jong u la kam ba ha kane

ka elekshon mynta u jop beit namar ba ka lyer na Jaintia Hills ka kham beh bha sha u namar bun ki paidbah ki la ngiah ia u Kyrtong ka Congress u Bah Vincent Pala. “Ka jingiakhun mynta kan long ba nga don ka jingkyrmen ba ngan rah ia ka thong khamtam ki paidbah ka Jaintia Hills ki la ngiah ia une u MP ba mynta u Bah Pala”, la ong u Bah Siangshai bad kaba donkam ia u ka long ba un trei shitom ha ki jaka jong ka Khasi Hills kynthup ha East Khasi, Ri-Bhoi bad ka West Khasi Hills.
U Bah Siangshai u la ong ba u la pan shap da ka Shang ha kane ka kynti.