Shillong: U kyrtong ka Congress na Jaiaw, u bah Augustar Jyrwa, u la ong ba ka daw kaba la pynlong ia u ban jied ia ka party Congress ka dei namar ba ka dei kaba lah ban iakhun pyrshah ia ka bor jong ka BJP kaba thmu ban iuh roit ia ki rit paid.
Haba kren myn hynnin ka sngi sha ki lad pathai khubor hadien ba la thep kyrteng, u bah Augsustar, “Dei tang ka Congress kaba lah ban ialeh pyrshah ia ka BJP ha ka ri kaba kyrshan da ka RSS bad dei namar kane ba nga la rung sha ka Congress kaba dei ka party kaba sngew skhem, sngew shngain bad kaba laitluid”.
U la kynnoh ba ka BJP ka la thombor ia ki rit paid, ia ki seng ia ki Khristan ha ka ri bad ia kiba duk.
“Kumba phi iohi ba ki party riewlum ki iadon bynta ha ka BJP bad baroh ki ia len shwa ka elekshon hynrei ynda la dep niew vote ki la iashong lang bad ka BJP ba ialam da ka NPP. Kane ka la pynsngewsih ia kane bad ki paidbah ki la ong bym dei ban ai ia ka BJP,” u la ong.
U la ong ba u la mih madan ban iada bad ban pynneh ia ka jaitbynriew, ia ka khyndew ka shyiap, ka khaii ka pateng, ka riti dustur bad kiwei kiwei.
Ha kajuh ka por u la ong ba ka ILP kaba la thaw ka KHADC ka long tang ia ka KHADC bad donkam ia ka jylla baroh kawei.
U la ong ruh ba ka jingmih madan u bah Paul Lyngdoh kam don eiei ban tieng ban smiej namar u la dep MLA lah 15 snem bad ki paidbah ki la sngewthuh.
“Ngam don eiei ban ong ia u bah Paul hynrei tang kawei ha ka jingialeh ngin hap ban iamih madan nga la iaid naduh mynshem snem. Kumba nga la kren ka jingmih i bah Pual kam don eiei hynrei dei ban peit sha ka thong ba ka Jaiaw ka dei ban ai ka rai kaba bha tam ban peit ia ki samla”, u la ong bad bynrap, “I Bah Paul i la shakri kum u MLA 15 snem bad ki paidbah ki la mad bad ki paidbah ki paidbah ban ailad ia ngi ki samla”.