Nga ioh long CEM ka KHADC namar u Dr Donkupar, ong bah Adelbert

Shillong: U MLA ka KHNAM u bah Adelbert Nongrum ula kynmaw tympang ia ka jingleh bha u Dr Donkupar Roy ia u haduh ba un ioh ia ka shuki CEM ka KHADC khlem poi pyrkhat eiei.

“Ha ka snem 2015 haba mih ka huri hura ha KHADC, nga la ioh ban long CEM ka KHADC dei namar u Dr Donkupar”, la ong u bah Adelbert haba kren kynmaw mynta hapoh ka ing dorbar.

U bah Adelbert ha kajuh ka por, ula pynpaw ia ka jingsngew babe namar ba u khlem wan ban iashim bynta ha ka por ba jied Lamphang ia u Dr Donkupar.
“Nga sngew babe ba ngam wan ban iashim bynta ha ka jingjied ia u kum u Lamphang”, la ong u bah Adelbert.