Shillong 15 Rynphang: U bah Kansing Lyngshiang u kyrtong MDC sha KHADC na ka seng United Democratic Party (UDP) ula iathuh, ba balei u mih noh na Ka seng National People Party (NPP), ban iakhun noh na ka seng UDP kadei namar, ba ka tiket MDC na ka seng NPP la ioh da ka kurim Jong u MLA u bah Banteidor, te kumta ma u ruh un hap ban iakhun noh na ka symbol ha ka Bom (UDP).
U la pynshai, ruh da ka ba ai nuksa, ba haba ki nongniah kali kamai taxi ki ba la mlien ban niah taxi, lada jia ba u trai ka kali u knieh noh ban shim sha lade, u nongniah uba la mlien ban kamai da kaba niah taxi u hap ban wad noh da kawei pat ka taxi.
Kumta u la ong, ba ma u ruh kumjuh, ba ka tiket na ka seng NPP la ioh da ka kurim Jong u MLA u bah Banteidor, te kumta ma u ruh un hap ban iakhun noh na ka seng UDP.
Ia Kane u bah Kansing Lyngshiang u la kren mynta ka sngi saitjain ka 15 tarik Rymphang 2025 ha ka jingialap ilekshon ban pynshai paidbah kumno ban jied ia ki nongmihkhmat sha District Council, ba la pynlong da ka shnong Lynshing ka ba hap hapoh ka Mawkynrew konstitwensi. Kane ka jingialap ilekshon ka la long ka ba la iaid beit ter ter ter u wei u kyrtong hadien u wei pat khlem sangeh, ha ka jingsakhilang da ki ba bun ki paidbah jong ka shnong Lynshing.
U bah Kansing Ula ong, ba, kum u riew ialeh la ngan phong kano kano ka stieh, hynrei ka jingangnud bad ka jingthrang Jong nga kadei, ban shakri ia u kup Shiliang u sem Shiliang.
Wat u MLA u ba la jop ruh u dang phet seng, nga lei mynno ba phi iathoh ianga ban pynjop, ha kaba u la pynkynmaw, ba ha kapor ba u ialeh ilekshon ha u snem 2009 na ka seng Congress phi khlem pynjop bad ha u snem 2023 na ka seng NPP ki paidbah ki khlem pynjop bad ha Kane ka kynti na ka symbol jong ka Bom (UDP) pyniathoh noh ba ngan skhem noh bad ban jop donburom, la ong u bah Kansing.
“Nalor kata u la bynrap da ka ba ong, ba lada nga phet seng hadien ba nga lajop ha Kane ka ilekshon MDC, phi lah ban kynnoh keiñ ba nga dei u riewkai, hynrei khlem pat pynjop kumno phin kynnoh ba nga dei u ba phet seng.
Da ka ba pynkut ban kren u Bah Kansing u la kyrpad ia ki paidbah ka shnong Lynshing ba kin pynjop ia u ha Kane ka kynti ba mynta na ka symbol jong ka Bom bad Lada nga phet seng biang hadien ba lajop, shim ianga bad wat nym bud shuh ianga lano lano ruh.
Phi don ban ong eiei?