Nga don ka juh ka kyrdan bad u Mukul, ong u bah Ardent

r“Phi la ktah kti ia u nongmihkhmat paidbah”
Shillong, 6 Nailar:
Ha ka jingkhluit ka jingiakhih ban tur sha Secretariat kaba ki paidbah ki la shah khang lynti ha ki pulit, u bah Ardent Miller Basaiawmoit ruh u la shah khang lynti ha ki pulit ha ka por ba u mut ban tur ryngkat bad ki paidbah sha Secretariat, ha kaba ki heh pulit ki la khang lynti ia u bah Ardent ba un tur shakhmat hynrei u la ong ia ki, ba u ruh u dei u nong mihkhmat paidbah, u nongthaw-ain u don ka juh ka kyrdan bad u myntri rangbah ka jylla U Mukul Sangma, hynrei u Mukul pat u dei tang u khliehduh ka Secretariat, “Nga don ka juh ka kyrdan bad u Mukul, hyn rei ma u u dei tang u khliehduh ka Secretariat” ong u bah Ardent hakhmat ki heh pulit kiba la pyrshang ban khang lynti ia u.
La iohi ruh ba hapdeng ka jingia lymbub ka jingia khynniat ban khang lynti ia u paidbah, u SP City u bah Vivek Syiem u la ktah kti bad khynniat ia u bah Ardent shadien ban ym ailad ba un tur shakhmat, bad ha katei ka por ruh la iohi sngew ba u bah Ardent u la ong , “Ngin ia peit phi la nud ban ktah kti ia u nongmihkhmat paidbah”.
Hynrei hadien ba la mih na Secretariat ha ka por ba u pynbna sha u paidbah ia kaei kaba mih na ka jingiakren; u bah Ardent bad kumjuh ruh u bah Pyniaid ki la kren sha ki pulit lyngba ki tynghung pynsawa ha kaba ki la ong ba ka jingiapyni bor mynta ka la long kum ka thma, hynrei kaei kaba la jia ai ba kan kut noh, hynrei ia kaei ka ban dang jia pat shakhmat yn dang ia peit, “Nga la ong ia ki pulit , phi long kum ki jam kiba pyndait hapdeng ki ar tylli ki ruti, u ruti ki paidbah bad u ruti sorkar” ong u bah Pyniaid Sing Syiem.