“Nga dei U Salman Khan” poi sah 6 miet u khar Bangla, ha Lum Iawpaw

Mawkyrwat , 1 Lber:
Ki nongrep synsar jong ka shnong Nongnah, myn ha ka sngi saitjain jong ka taiew ba ladep, ki la ioh ban kem ia u wei u kharbangla u bym shym la tip kyrteng satia, katba u dang iaid kai ha u Lum Iawpaw, u ba don ha ka shnong Nongnah South West Khasi Hills.
Katkum ka tyllong khubor la iathuh ba ia une u Kharbangla la iohi da ki nongrep kiba shait rep synsar ha u lum Iawpaw ba u pyrshang ban rung  ha kawei  na ki iing ba shait pyndonkam ki nongrep ban buh tiar bad rieh slap bad mar syn iohi ia u ne u riew phylla, na ka liang jongki wut wut ki la pyrta briew bad da ka jing kloi ki para nongrep la ioh ban kem noh ia u tei u Kharbangla.
Shuh shuh kitei ki nongrep ki la iathuh ruh ba haba pyrshang ban kylli ia u, u la iathuh ba u dei u Muslim bad u la don ruh kumba hynriew sngi hynriew miet eiei ha katei ka khlaw, bad na ka met jong u la ioh ban kurup ia kawei ka torch light bad ki battery kiba thoh da ka ktien Bangla, bad na ka liang jong ki, ki la aiti noh sha ka seng HYC Nongnah Area Unit.
Naka liang ka seng haba pyrshang ban kylli kyrteng ba u dei u ei bad u wan leh aiu sha katei ka jaka, u tei u Kharbangla um shym la iathuh bad u kren kyllain pynban da kaba ong ba u kyrteng u ‘Salman Khan’ bad shiphang pat u kyrteng u ‘Anil Kapoor’ kumta na ka liang ka seng ka la aiti noh sha ki pulit jong ka Ranikor Police Station ban tohkit shuh ia u tei u Kharbangla.
Na ka liang ka seng ka pynpaw ia ka jingsngewkhia ha kaba ia dei bad utei u Kharbangla uba la ioh ban iaid mon ha ki jaka lum khasi bad hajuh ka por kaba pynsngewtieng ioh u tei u Kharbangla u dei pynban u nongrah ktien ne u lehnoh ISIS uba pyrshang ban wan syntiat ia kane ka jaka lum Khasi.