“Nga dei u James hynrei u MR, u dei u ‘James Bond”

Shillong, 9 Jylliew:
U MLA ka NPP u James K Sangma u la sin ia u Myntri Rangbah ka jylla u Mukul Sangma kum u “James Bond” namar ba u pyndonkam da ki pulit kynthei ban pahara ha iing sah jongu ha ka por ba u leit jngoh ia ka Garo Hills.
U James u la ong ba ia kane ha ka jing iashim bynta ha ka dor bar hynne ka sngi nyng kong. U la ong ba kane ka sorkar kam shym la shim khia ban iakhun ia ki kam pyntriem ha Garo Hills hynrei u CM u pyndonkam pynban da ki pulit kynthei. “Nga jia ryngkhat ba nga dei iaid lynti ha iing sah jong u CM, nga iohi la satah da ki pulit kynthei suda. “Nga pyrkhat ka kyrteng jong ka dei u James hynrei ka kyrteng ‘James Bond” dei ban ai sha u Myntri Rangbah uba synran da ki pulit kynthei borabor”.
Hynrei ha kane ka por, na ka liang u Lamphang u AT Mondal u la ong ba u James ban nym kren kam shimet hynrei kren ia ka phang.
U James u la ther ia kane ka sorkar kaba la tlor ban iakhun ia ki kam pyntriem khamtam ha Gar Hills. “Kane ka sorkar kam patia eiei ia ki kam pyntriem ha Garo Hills”, la kynthah u James.
“Ngi la shah pyndik pyntieng da ki kam pyntriem man ka sngi, ka jingpyniap, ka jingdawa pisa, ka jingrahbor bad kiwei kiwei ki kam runar”, la ong u James.
U la ther ia u Dr Mukul da kaba kylli, hato kane ka sorkar ka donkam ban pahara tang ia u Myntri rangbah man ba u leit sha Garo Hills haduh 200 ngut ki pulit ki ieng lain ban pahara ia u naduh dang step haduh ban da miet.