Shillong 15 Rymphang: Hadien ba la mih kawei ka durkhih myn ha kine ki sngi ba dang shudep, ha ka na ki rangbah ki ba la pynpaw ka jingbitar shla ia kawei ka seng sain pyrthei ha ka jingiadonlang u MLA ka North Shillong Konstitwensi u bah Adelbert Nongrum u MLA ba la jop na ka seng Voice of The People Party (VPP), ba ka ialam khmat da u bah Ardent.
Ha ka 15 tarik Rymphang 2025, kawei ka dur khih ne video ka ba la sdang saphriang biang, ha kaba ki rangbah ki la kren bad pynpaw ia ka jingpyrshah oa ka jingleh jong ka VPP ba la ialam u bah Ardent, nalor kata la iohi ruh ba na ka liang u bah Adelbert Nongrum ula kren pynshai paidbah hadien ba u nongaiktien ka VPP u bah Batskhem Myrboh u la dep pynshai.
Ha kane ka durkhih (Video) ka ba la saphriang ha ki rynsan social media u bah Adelbert Nongrum u la ong, ba ngam kwah ban sngap ia kaei ka ba u um sngewiahap ia kaei ka ba la jia hapoh ka party.
Kumba ma u, u la pyrshah ia ka jingrai ka Party VPP halor ka jingai tiket ban iakhun ia ka ilekshon MDC na Mawkhar Pynthorumkhrah bad na Jaiaw, ba u ba na jaiaw u mih kyrteng sha Mawkhar katba u ba na Mawkhar u mih kyrteng pat sha jaiaw. Kumta u la pynpaw, ba haba u la pyrshah shapoh un hap ban pyrshah ruh shabar.
U la ong, ba Kane la jingiakynad ka la mih naduh ba u la jop ia ka ilekshon MLA ba dang shu dep shen, hynrei u ong, ba u iaishah namar u pyrkhat na ka bynta ki paidbah jong ka Konstitwensi.
Ka ne ka jingpynshai jong nga sha ki paidbah kamdei ba nga isih ia u president ka seng VPP u bah Ardent ne ia ka party bad kam shem mut ba kin mih noh na ka seng VPP namar ka VPP kadei ka sur jong u paidbah, la ong u bah Adelbert.
“Ka khyllipmat ba nga pyniasoh ialade bad ka seng VPP, namar ba katno nga sngewthiang tang ban sngap ia ka kyrteng, ka ba la pynnoh lypa ia ka mynsiem jong nga, kata ka kyrteng jong ka “Ka Voice of The People Party” bad nga dangpyrkhat ba kadei ka Voice of The People Party, hynrei halor kine ki jingjia baroh, nga nud ban ong ban pynshisha ba kadei “Ka Voice of Someone”, la ong u bah Adelbert.
Shuh shuh u la bynrap da ka ba ong, ba ” Nga sngewkhia ia kaei ka ba la jia hapoh ka Konstitwensi, namar u la iaid katkum ka Constitution bad u khlem pyrshah ia ki kyrtong (Candidate) ki ba la jiet da ka party”. Watla ngim don bynta ha kata ka jingjiet bakla jong phi, hynrei ngin shimlang da ka jingbakla jong phi ban pynbha pat ia ka jaitbynriew, u la bynrap.
U bah Adelbert u la ther tyngeh ia u nongaiktien ka Voice of The People Party (VPP) u Dr. Batskhem Myrboh, u ba la kren sha ki lad pathai khubor ban pynsngewthuh bakla ia ki paidbah. Halor ka jing ong u Dr. Batskhem Myrboh ia u bah Adelbert ba un pule shwa ia ka Constitution, na ka liang u bah Adelbert u la pynpaw, ba wat wan hikai skul namar nga khlem bakla ia ka Constitution, bad dei ma u, u ba la thaw ia ka Constitution, hynrei mynta dei ma u hi, u ba pynkheiñ ia ka Constitution.
Phi don ban ong eiei?