Nga da ieid thep mynsiem ia U Sushant, ong ka Rhea

Ka Rhea Chakraborty, ka phla mynta ka sngi ha Supreme Court, ba ka da ieid thep mynsiem ia U Sushant Singh Rajput. Ka Rhea, ka iathuh ia kata, lyngba u riewsaid jongka, U Shyam Divan bad ka iathuh ruh ba ka don ha ka jing khuslai mynsiem kaba jur hadien ka jingiap noh jongu.

“Nga da ieid thep mynsiem ia U Sushant Singh Rajput bad nga don ha ka jing khuslai mynsiem kaba jur, hadien ka jingiap jongu; hynrei nga la shah pyndih pynban ha kine ki sngi” ong ka Rhea.

Ka Rhea, ka ong ruh ba ka jingiap jong U Sushant, ka la poi sha ka mat kaba jyrwit jyrwat namar ba ka dei ruh ka por, ba yn pynlong elekshon ha Bihar bad ka iathuh ruh, ba mynta, ka shah pyndik tyngeh ha ki kotkhubor bad katei ka la pyn khuslai shuh shuh ia ka.