Ka facebook, ka dang thaw mynta ia ki iit khmat kiba smat bad kitei kin dei kiba phin lah ban phone briew, haba phi kwah khlem da donkam shuh ban ktah da ki kti ia ki mobile phone, ong ka khubor.
La iathuh ba ka facebook, ka iateh paralok bad ka Ray Ban, ka kompeni kaba ju pynmih ia ki iit khmat, na ka bynta ban pynmih paidbah ia kitei ki iit khmat kiba yn tip, kum ki Sci-Fi spectacles, ha kaba yn pynmih pyrthei ha u snem 2023.
Yn tip da ka kyrteng Orion, ia kitei ki iit khmat bad kitei kin bujli ia ki mobile phone jongphi, ong ka CNBC.
La iathuh ba kitei ki iit khmat, kin pyni lut ia baroh ki jingdonkam, naduh ka suin bneng, ka por, ka jingtrei kam ka bateri bad ia ki jingtip, kiba don baroh ha facebook peij jongphi.
Kan don ruh ka tyndong kren, ha kaba u briew, un shu kren bad ka jingtip, kan wan katba kum ka jingkwah jongu. Ym tang katta, hynrei ki iit khmat, kin don ruh ia ki camera, ban ring ia ki dur ki dar lane ban live stream katba kum ka jingsngew donkam.
La antad ba kitei ki iit kin shongdor £1,000 bad kin leh lut ia baroh ki jait kam, kiba donkam kham palat ban ia kaba kin leh ki mobile.
Haduh u 2023 pat slem palat