Nangjam shakhmat ka Meghalaya sha ka jing jop ha ka Ranji Trophy pyrshah ia ka Arunachal Pradesh

Shillong: Lyngba ka jing lah kamai bun ron u Punit Bisht bad u Wanlambok Nongkhlaw ka jylla Meghalaya ka la nang jam sha ka jing jop ha ka jing ialehkai kriket pyrshah ia ka Arunachal Pradesh ha ka Ranji Trophy ka ba long ha Dibrugarh ha Assam.

U Punit Bisht u la lah ban kamai haduh 250 ron na ka 263 bol katba u Wanlambok Nongkhlaw u la lah ban kamai 70 ron bad lyngba kine arngut ka Meghalaya ka la tied haduh 576 ron bad hap noh 9 wikets.

Ka Arunachal Pradesh ha ka jing pynphai kam shym da lah bha ban tied ron namar ka jing haph kloi noh ki wiket. Ha ba kut noh jong ka sngi ba ar ki nong tied ka Arunachal Pradesh ki la kamai 115 ron bad hap noh 5 wiket bad ka hap ban kamai sa haduh 461 ron.

Na ka liang ki nong kwang bol ka Meghalaya u Chengkam Sangma u la lah ban pynhap ia ka wiket na ka bol ka ba nyngkong duh jong ka sngi bad haba kut jong ka sngi ba ar u la ioh khur 2 wiket bad ai tang 29 ron katba u Sanjay Yadav ruh u la ioh khur 2 wiket bad ai 25 ron bad u Aryan Borah u ioh khur 1 wiket bad ai 12 ron.