Nang tur ka Assam ban tih surok bad pynieng nar ilektrik sha Khanduli, ujor ka KSU sha U DC

Shillong: Ka thain Khanduli-Umshangiar ka la mad shibun ki jingeh khamtam ha ka jingkyntur pud ka jylla Assam.

Hynnin ka sngi, ka K.S.U Khanduli-Umshangiar Unit, hapoh ka jingialam U Tynshain Krem, President, ryngkat ka jing ia don lang U Bah D. Kshiar, General Secretary lem bad kiwei pat bad kitei ki leit ia kynduh halor ka bai kali na Khanduli sha Jowai), ka jingdie Kyiad & Die Tim beaiñ bad bad nangta ka surok & ka jingthung nar ilektrik beain ka sorkar assam.

Ka seng ka la ban jur ia U DC ban ai hukum biang ia ki nongniah kali, ban pynhiar biang ia ka bai kali kata sha ka T.100 kumba juh long ha shuwa ka lockdown. Ha ka jingiakynduh, u DC u la ong ba haduh mynta ka sorkar kam pat lah ban mynjur ia ka jingdawa jong ka seng, hynrei u DC u kular ban teh lakam ia ka jingthep briew palat ia ka ain jong ka transport department.

Halor ka jingdie kyiad bad die tim beain ka pynsniew is ka imlang sahlang, ha kaba ia dei bad kane u DC u kular ban phah hukum sha ka tnad police bad excise department ban leh ia kaba donkam. U kular ruh ban phah ia U Block Development Officer (B.D.O), Thadlaskein C&RD Block ban leit jurip noh shuwa ia ka jingpyntrei surok bad thung post nar ilektrik beain ka sorkar Assam hapoh ka area jong ka shnong Khanduli lyngba ka khlaw Samynthoo – Mokoiram.

Kumta u DC u la kular ban shim khia ban pyndep ia ka jingtohkit halor kitei ki ishu hapoh shi taiew.