Nang shyrkhei, ka khlam corona, kiew sha ka 2lak ngut shi sngi

Kiba ioh pang covid 19 ha India, ki poi sha ka 2lak ngut ha ki 24 kynta ba ladep bad mynta kiba ioh ia katei ka jingpang ha India, ki la poi sha ka 1.4klur baroh.

Ka India, ka dei ka ri, kaba jur tam, ka jing ioh pang covid, ha kylleng ka pyrthei, kaba dei naduh ka 2tarik Iaiong 2021. Kiba ioh pang ha ki 24 kynta ba ladep, ki long 2,00,739 bad baroh kiba dang don ia katei ka jingpang, haduh mynta, ki long 14,71,877 ngut.

Ka Maharashtra, ka don ia 58,952ngut kiba dang shu ioh pang thymmai nangta sa 278ngut kiba iap bad baroh kiba iap ha katei ka jylla, ki la poi sha ka 58,804 ngut. Ka Delhi, ka don 17,282 ngut, kiba ioh pang hynnin ka sngi. Ka Karnataka, ka don 11,265 ngut kiba ioh pang ha ka jylla, ha ki 24 kynta ba ladep.

Kiba iap ha ki 24 kynta ba ladep, ki long 1,038 ngut.