Nang pur ka jingkhluit ha ka haw haw ka pyrthei, lah ban ing lut ki satellite

Ka kynja jingkhluit, kaba don ha ka haw haw jong ka pyrthei, ka lang iar ha kine ki sngi bad katei ka pyn khuslai jingmut jur ia ki saiantis. Na ka liang ka NASA, ka kren diaw mynsiem jur, ba lada katei ka jingkhluit, ka nang pur jngai, kumta kan mih ka jingeh, ha kaba kan lah ban thang ia ki satellite, ki mashin bapher kiba la pynher da ki ri bapher jong ka pyrthei bad kiba sdien mynta ha suin bneng.

Katei ka jingkhluit, ka don bynta ha ki bynta jong ka South America bad ka South Atlantic Ocean bad ka la don hangtei da ki phew phew snem, hynrei mynta, la iathuh ba ka la nang pur kham sha jngai bad ka pur sha ki bynta ba sha sepngi jong ka pyrthei bad katei kan buh jingeh ia ki lad pathai khubor jong ka pyrthei, kiba don ha ki haw haw.

Ki saiantis jong ka NASA, ki dang pyrkhat ia ki lad ki lynti ba katei ka jingkhluit kaba don ha ka haw haw, kan nym klang kham shajngai lane ba kan nym pynjulor satia ia ki satellite bad kiwei ki mashin bapher, kiba don ha suin bneng.